වත්මන් ශ්රී ලංකා ක්රිකට් කණ්ඩායමේ අත්දැකීම් බහුලම වේගපන්දු යවන්නා වන සුපිරි ක්රීඩක ලසිත් මාලිංගට මෙම වසර තුළදී ක්රීඩා කළ නොහැකි වාතාවරණයක් උද්ගතවී තිබේ. ඒ ඔහුගේ පාදයේ ආබාධය තවමත් 100%ක් සුව නොවීම හේතුවෙනි. ඒ හේතුව නිසා ඔහුට බටහිර ඉන්දීය කොදෙව්, සිම්බාබ්වේ ඇතුළත්ව පැවැත්වෙන තුන්කොන් එක්දින තරගාවලියට ක්රීඩා කිරීමේ අවස්ථාවද අහිමිව ඇත.
ලසිත් මාලිංගගේ ආබාධය පිළිබඳව ඔහුට ප්රතිකාර කරන විශේෂඥ වෛද්ය මහාචාර්ය අර්ජුන ද සිල්වා මහතාගෙන් විමසීමක් සිදුකළ අතර, එහිදී ඔහු පෙන්වාදුන්නේ මෙම වසර අවසානයේ දියත්වන දකුණු අප්රිකානු සංචාරය වනවිට මාලිංගගේ පාදයේ ආබාධය බොහෝදුරට සුවවනු ඇති බවයි.