රිය අනතුරක් සම්බන්ධයෙන් අත්අඩංගුවට ගත් රාජ්‍ය අමාත්‍ය පාලිත රංගේ බණ්ඩාරගේ පුත් යශෝධ රංගේ බණ්ඩාර සහ තවත් අයෙකු ඇපමත මුදාහරින ලෙස ආණමඩුව මහේස්ත්‍රාත් ජනනි විජේතුංග අද (25) නියෝග කළා.
ඒ අනුව එක් අයෙකුට රුපියල් 15,000 ක මුදල් ඇපයක් සහ රුපියල් ලක්ෂය බැගින් වන ශරීර ඇප දෙකක් නියම කළ මහේස්ත්‍රාත්වරිය නඩුව දෙසැම්බර් 05 වනදා යළි කැඳවීමට නියෝග කරනු ලැබුවා.අමාත්‍යවරයාගේ පුතු ගමන් කළ ජීප් රථයක ගැටී ඊයේ පුද්ගලයෙකු මියගිය අතර, 42 හැවිරිදි ඔහු ආණමඩුව වඩිගමංගාව ප්‍රදේශයේ පදිංචිකරුවෙක්.