ක්රිෂ් ඉඩම් ගනුදෙනුව සම්බන්ධයෙන් මේ වන විට සිදු කෙරෙමින් පවතින විමර්ශන අතරතුරේ දී පෑන් ඒෂියා බැංකුවේ සභාපති නිමල් පෙරේරා මහතා විසින් මහෙස්ත්රාත්වරයකු හමුවේ ලබා දී ඇති පාපෝච්චාරණය මඟින් නාමල් රාජපක්ෂ සහ ක්රිෂ් සමාගමේ අධ්යක්ෂවරියක වන ජානකී සිරිවර්ධන නොහොත් ජානකී වරකාගොඩ මහත්මිය අතර වූ සම්බන්ධතා රැසක් ගැන තොරතුරු හෙළිදරව් වූ බව මූල්ය අපරාධ කොට්ඨාස ආරංචි මාර්ග සඳහන් කරයි.
ජානකී සිරිවර්ධන නම් ව්යාපාරිකාව පසුගිය රාජපක්ෂ රෙජීමය සමඟ ඉතා සමීපව කටයුතු කළ තැනැත්තියක වන අතර ඉන්දියාවේ මහදේවන් සමාගමේ (ක්රිෂ් ලංකා සමාගමේ මව් සමාගම) හිමිකරුවන් මෙරට ආයෝජනය සඳහා කැඳවාගෙන පැමිණ තිබුණේ ඇයයි.
