මහ බැංකු අධිපතිගෙ පුංචි පුතාගේ වැඩ Video

මහ බැංකු අධිපති ඉන්ද්‍රජිත් කුමාරස්වාමි මහතා ලෝකයා හඳුනන්නේ ආර්ථශාස්ත්‍රඥයෙකු ලෙසය. ඔහුගේ කණිටු පුත් අර්ජුන් කුමාරස්වාමි පියා ගිය මග ටික කලක් ගියද, ඒ මග අතැර දමා වෙනත්ම මගක් තෝරාගෙන තිබේ.

ඔහු කලක් බහු ජාතික සමාගමක සේවය කර ඉන් ඉවත්ව සංගීත මාවත තෝරාගෙන තිබේ. ඔහු වඩාත්ම ජනප්‍රියත්වයට පත්වන්නේ Kolaveri Di ගීතය Re-Mix කොට මියුසික් වීඩියෝවක් කිරීමෙනි. එම වීඩයෝව මේ වනවිට Youtube හි 11,601,754 පමණ නරඹා ඇති වීඩියෝවකි. වෙනත් ගායකයින්ගේ ගීත නව ආරකින් ගායනා කිරීම අර්ජුන්ගේ විශේෂත්වයකි.

ගැබ්ගෙල පිළිකාවෙන් වළකින එන්නත පාසලෙන්

ගැබ්ගෙල පිළිකාව වැළැක්වීම සඳහා දෙනු ලබන එච්.පී.වී. එන්නත 2017 ජනවාරි මාසයේ පටන් පාසල් ප්‍රතිශක්තිකරණ වැඩසටහන යටතේ නොමිලේ ලබා දෙන බව වසංගත රෝග අංශය පවසයි. ඒ අනුව දිවයිනේ සියලු පාසල්වල වයස අවුරුදු 10ත් - 11ත් අතර වයස්වල පසුවන දැරියන් (හය වසර) සඳහා මේ එච්.පී.වී. (Human Papillema Virus) ලබා දෙන බව වසංගත රෝග ඒකකයේ වසංගත රෝග විශේෂඥ වෛද්‍ය දීපා ගමගේ මහත්මිය පවසයි.

වයස අවුරුදු 10ත් - 11ත් අතරේ පසුවන සියලු පාසල් දැරියන්ට මේ එන්නත ලබා දීමෙන් ගැබ්ගෙල පිළිකාවෙන් පූර්ණ ආරක්ෂාව සැලසේ. එන්නත ගැබ්ගෙල පිළිකාවෙන් වැළැකීම සඳහා වන ආරක්ෂිතම සහ එකම ප්‍රතිශක්තිකරණ ක්‍රමය වන බවද වෛද්‍ය ගමගේ පවසයි. එච්.පී.වී. එන්නත විදීමෙන් මල්වර වීමේ ක්‍රියාවලියට හෝ දැරියන්ගේ ශාරීරික සෞඛ්‍යයට කිසිදු අහිතකර අතුරුපලයක් ඇති වන්නේ නැත.

දවසකට භික්ෂුන් 8ක් සිවුරු හැරයනවා

බෞද්ධ කටයුතු දෙපාර්තමේන්තුව මඟින් නිකුත් කරනු ලබන භික්ෂු උපවැදි වීම් සහතිකපත් අනුව දිනකට 8 – 10 ත් අතර ප්‍රමාණයක් භික්ෂුන් වහන්සේ උපැවැදි වන බව බෞද්ධ කටයුතු කොමසාරිස් ජනරාල් නිමල් කොටවලගෙදර මහතා පැවසීය.

මේ අතරින් වයස අවුරුදු 18 -20 ත් අතර තරුණ භික්ෂුන් වහන්සේ වැඩි වශයෙන් උපැවැදි වීමට යොමු වී ඇති බවත් මෙවැනි තත්ත්වයක් ‍උද්ගතවීමට බලපාන හේතු පිළිබඳ අධ්‍යයනය කිරීම සඳහා මේ වනවිටත් බෞද්ධ කටයුතු දෙපාර්තමේන්තුව මඟින් වැඩපිළිවෙළක් සකස් කර ඇති බව ද ඒ මහතා පෙන්වා දෙයි.

තෙවරප්පෙරුමට බයිපාස් සැත්කමක්

පසුගියදා පාසැලකට සිසුන් ඇතුලත් කිරීමේ සිද්ධියට සම්බන්ධවීම හේතුවෙන් රක්ෂිත බන්ධනාගාර ගතකර ඇප මත නිදහස් කෙරෙණු නියෝජ්‍ය ඇමති පාලිත තෙවරප්පෙරුමට ඊයේ (8) හදිසි හදවත් සැත්කමක් (Bypass)සිදුකර තිබෙනවා.

ඊයේ (8) සවස මතුගම ප්‍රදේශයේදී පැවැති මාධ්‍ය සාකච්ඡාවකින් අනතුරුව ඔහු රෝහල් ගතකොට ඇති අතර එහිදීයි මෙම සැත්කම සිදුකොට ඇත්තේ.

නාලන්දේ ගුරුවරයාට සිසුන්ගෙන් ගුටි

දුෂණ චෝදනා එල්ලවී සිටින කොළඹ නලන්ද විද්‍යාලයේ විදුහල්පතිවරයාවන වසන්ත රංජිත් ජයසුන්දර මහතාට විරුද්ධව අල්ලස් හා දුෂණ ‍කොමිසමට පැමිණිලි කළ සුසන්ත හේරත් නම් ගුරුවරයාට අද (08) එම පාසලේ විදුහල්පතිවරයා විසින් සිසුන් පිරිසක් යොදවා පහරදී ඇති බව වාර්තා වේ.

සිසු පිරිසකගේ පහරකෑමට ලක්වූ සුසන්ත හේරත් මහතා මේවනවිට කොළඹ ජාතික රෝහට ඇතුළත් කර ඇත.

මෙසේ සිසුන් මාර්ගයෙන් සුසන්ත හේරත් ගුරුමහතාට පහරදීම සිදු කොට ඇත්තේ එම පාසලේ විදුහල්පතිවරයා බව මේ වනවිට තහවුරු වී ඇත.