සංචාරක ශ්රී ලංකා කණ්ඩායම පරාජය කරමින් දෙවැනි විස්සයි20 තරගයෙන්ද ලකුණු 88ක ජයක් වාර්තා කිරිමට ඉන්දීය කණ්ඩායම සමත්විය. ඉන්ඩෝර් ක්රීඩාංගණයේ පැවැති තරගයේ කාසියේ වාසිය දිනාගත් ශ්රී ලංකා නායක තිසර පෙරේරාගේ ආරාධයෙන් පන්දුවට පහරදීමට පිටියට පිවිසි ඉන්දීය කණ්ඩායම පන්දුවාර 20කදී කඩුලු 5 ට ලකුණු 260ක් රැස්කළේය.
විස්සයි20 පිටියේ සම වේගවත්ම ශතකය වාර්තා කළ රෝහිත් ෂර්මා ලකුණු 118ක් රැස්කළේය. ඔහු ලෝකේෂ් රාහුල් (89) හා එක්ව පළමු කඩුල්ලට ලකුණු පන්දුවාර 12.5කදී ලකුණු 165ක සබඳතාවත් පැවැත්වීය. රෝහිත්ගේ දැවී යාමෙන් පසුව පිටියට පිවිසි දෝනි (28) හා එක්වූ රාහුල් ඉන්දීය ඉනිම පන්දුවාර 18.3කදී ලකුණු 243ක් දක්වා රැගෙන ආවේය.