ඉන්දියාවේ ලක්ෂ 03ක කාර් එකක් ලංකාවට

ජපානයේ නිසාන් සමාගම විසින් ඉන්දියාවේ පිහිටුවා ඇති ශාඛාව විසින් නිශ්පාදනය කරනු ලබන ‘ඩට්සුන් රෙඩි ගෝ‘ (Datsun Redi-Go) මොටර් රථය ශ්‍රී ලංකාවේ වෙළදපොළට ඉදිරිපත් කිරීමට ඉන්දීය සමාගම සූදානම් වෙයි.

ඉන්දීය මාධ්‍ය වාර්තා පවසන්නේ ලබන සැප්තැම්බර් මාසයේ සිට මෙම මොටර් රථය ශ්‍රී ලංකාවේ අලෙවි කිරීමට ආරම්භ කිරීමට නියමිතය.

රාජිතගේ පුත් ‘එක්සත්ගේ’ මංගල උත්සවය අද

අමාත්‍ය රාජිත සේනාරත්න මහතාගේ දෙටුපුත් එක්සත් සේනාරත්න අද (12) කොළඹ හිල්ටන් හෝටලයේදී යුගදිවියට එළඹියේය.ඔහුගේ අත ගත්තේ දිනිති ආලෝකා රණසිංහය.

මෙම විවාහ මංගල්‍ය සඳහා ප්‍රධාන පෙළේ අමුත්තන් රැසකට ආරාධනා කර ඇති බවයි වාර්තා වන්නේ.

යෝෂිතට FCIDයට එන්න කියලා

ගල්කිස්ස ප්‍රදේශයේ පිහිටි ඉඩමක් රුපියල් මිලියන පන්සිය ‍ෙදාළහකට මිලදී ගැනීමේදී සිදු වූ බව කියන මූල්‍ය අක්‍රමිකතාවක් පිළිබඳව චෝදනා ලබා සිටින යෝෂිත රාජපක්ෂට හා ඔහුගේ මිත්තණියට ලබන 25 වැනි දින පොලිස් මූල්‍ය අපරාධ කොට්ඨාසයේ පෙනී සිටින ලෙස ගල්කිස්ස අතිරේක මහෙස්ත්‍රාත් ලෝචනා අබේවික්‍රම වීරසිංහ මහත්මිය ඊයේ (11දා) නියෝග කළාය.

සිද්ධියට අදාළ නඩුව ගල්කිස්ස අධිකරණයේ ඊයේ කැඳවූ අවස්ථාවේ පොලිස් මූල්‍ය අපරාධ කොට්ඨාසයේ පොලිස් පරීක්ෂක වීරවර්ධන සහ තුසිත සිල්වා කරුණු දක්වමින් සැකකාර යෝෂිත රාජපක්ෂ විසින් මිලදී ගෙන ඇති ඉඩම් හතරක පිඹුරුපත් ලබා දෙන ලෙස ගංගොඩවිල, දෙල්කඳ පිහිටි ඉඩම් රෙජිස්ට්‍රාර් කාර්යාලයේ රෙජිස්ට්‍රාර්වරයාට නියෝගයක් කරන ලෙසත් මිහිඳු මාවතේ ඇති ඉඩමේ ඔප්පුවල මුල් පිටපත් රැගෙන පොලිස් මූල්‍ය අපරාධ කොට්ඨාසයට එන ලෙසත් නියෝගයක් කරන්නැයි ඉල්ලා සිටියේය.

දකුණු ආසියාවේ සිගරට් මිල අධිකම රට ලංකාව

දකුණු ආසියානු කලාපයේ සිගරැට් 20ක සහිත පැකට්ටුවක මිල ඉහළම රට වශයෙන් ශ්‍රී ලංකාව පත්ව ඇති බව ලෝක සෞඛ්‍ය සංවිධානය මඟින් නිකුත් කරන ලද නවතම වාර්තාවේ සඳහන් වෙයි.

2016 වසරේ වෙළෙඳපොළ පවතින මිල ගණන් අනුව ශ්‍රී ලංකාවේ දුම්වැටි පැකට්ටුවක මිල රුපියල් 700ක් ලෙස වාර්තා වී ඇති අතර මාලදිවයිනේ එය රුපියල් 365.93ක් ලෙසත්, ඉන්දියාවේ රුපියල් 260.74ක් ලෙසත්, බංග්ලාදේශයේ රුපියල් 133.34ක් ලෙසත්, පාකිස්තානයේ රුපියල් 71.11ක් ලෙසත් සඳහන්ව ඇත. අදාළ වාර්තාවට අනුව ආසියාවේ සියලුම රටවල් අතරින් දුම්වැටි පැකට්ටුවක මිල අධිකම රටවල් ලෙස ශ්‍රී ලංකාවට ඉහළින් ඇත්තේ ඕස්ට්‍රේලියාවත්, නවසීලන්තයත්, සිංගප්පූරුවත් පමණි.

ලෝචනා දැන් තැන්පත් වෙලාලු

ලෝචනා ඉමාෂි ගැන කතා කරනවා නම් ඇගේ කට ගැන කතා නොකරම බැහැ. ඒ කට ගැන කතා නොකරන කට මක්කැයි. ලෝචනාව මතක් වන සෑම වාරයකදීම ඇගේ ඝාණ්ටාර කට නම් සිහියට නැඟෙනවාමයි. හැබැයි මේ මෑත කාලයේ ඉඳලා ඒ කට නම් ටිකක් අඩු වෙලා. 

ඒ කිව්වේ වක්කඩේ කැඩුවා වගේ ඇගේ කියවිල්ල සෑහෙන්න සීමා වෙලා. ඒ වගේම ලෝචි දැන් ඉස්සර වගේ දකින දකින කෑම ජාති බඩට දාගන්නේ නැතිලු. ඒකට ප්‍රධානම හේතුව තමයි ඇගේ කුසට අමුත්තෙකු පැමිණීම. ඇය දැන් ඒ කෙනා වෙනුවෙන් බොහොමත්ම පරිස්සම් වෙනවලු. අවශ්‍ය දේවල් විතරමලු කන්නෙ බොන්නෙ. ඒ වගේම හරි තැන්පත් වෙලාලු.