කුලසේකර ශ‍්‍රී ලංකා පිලට කැඳවයි

බංග්ලාදේශය සමඟ පැවැත්වෙන එක්දින තරගාවලිය සඳහා නම් කළ ශ‍්‍රී ලංකා සංචිතයට නුවන් කුලසේකර කැඳවීමට තීරණය කර ඇතැයි ක‍්‍රිකට් ආරංචි මාර්ග පවසනවා.

ඉකුත් දා නිමා වූ ඕස්ටේ‍්‍රලියානු පන්දුවාර විස්ස ක‍්‍රිකට් තරගාවලියේ දී ද ඔහු පන්දුවෙන් දස්කම් දැක්වූවා.

කෙසේ වෙතත් බංග්ලාදේශය සමඟ පැවැත්වෙන එක්දින තරගාවලියට නම් කළ මුල් සංචිතයට කුලසේකර ඇතුළත් වුණේ නැහැ.

ඔහුට අමතරව වේග පන්දු යවන ක‍්‍රීඩක නුවන් ප‍්‍රදීප් ද ශ‍්‍රී ලංකා එක්දින සංචිතයට කැඳවනු ඇති බවටයි ක‍්‍රිකට් ආරංචි මාර්ග සඳහන් කළේ.

බංග්ලාදේශය සමඟ පැවති පළමු එක්දින තරගයේ දී සුරංග ලක්මාල් හැර සෙසු වේග පන්දු යවන්නන් දැඩි ප‍්‍රහාරයකට ලක් වුණා.

බංග්ලාදේශ ඉණිමේ අවසන් පන්දුවාර දහයේ දී ඔවුන් ලකුණු 109ක් රැස් කළ අතර බිඳ වැටුණේ කඩුලූ දෙකක් පමණයි.

මේ අතර දෙරට අතර පැවැත්වෙන දෙවන එක්දින ක‍්‍රිකට් තරගය රංගිරි දඹුලූ ජාත්‍යන්තර ක‍්‍රිකට් ක‍්‍රීඩාංගණයේ දී හෙට පැවැත්වෙනවා.
Related Posts Plugin for WordPress, Blogger...