පාර්ලිමේන්තුවේ ආණ්ඩු පක්ෂ නියෝජනය කරන මැති ඇමැතිවරුන් කිසිවකුට අනිද්දා (10) සිට මසක කාලයක් විදේශගතවීම සම්පූර්ණයෙන්ම තහනම් කර ඇතැයි ආණ්ඩු පක්ෂ ප්රධාන සංවිධායක කාර්යාල ආරංචි මාර්ග පැවසීය.
ඒ අනුව අනිද්දා (10) සිට අයවැය තුන්වැනි වර කියැවීමේ විවාදය පැවැත්වෙන දිනය දක්වා අදාළ නියෝගය බලපැවැත්වෙනු ඇත.
යම් ලෙසකින් කලින් යොදාගත් රාජකාරි සඳහා විදේශගතවීමට අවශ්ය නම් ඒ ගැන පාර්ලිමේන්තුවේ ආණ්ඩු පක්ෂ ප්රධාන සංවිධායක කාර්යාලයට දැනුම් දිය යුතුය.
ඊට අමතරව එජාප මැති ඇමැතිවරුන් එවැනි කලින් යොදාගත් රාජකාරියක් සඳහා විදේශගත වන්නේ නම් ඒ ගැන අග්රාමාත්ය රනිල් වික්රමසිංහ මහතාගෙන් අවසර ලබාගත යුතු බව ද අදාළ ආරංචි මාර්ග සඳහන් කළේය.
ආණ්ඩු පක්ෂ ශ්රීලනිප මැති ඇමැතිවරුන් එවැනි රාජකාරි සඳහා විදේශගත වන්නේ නම් ඒ ගැන ජනාධිපතිවරයාට හෝ ජනාධිපති ලේකම්වරයාට දැනුම් දිය යුතු බව ද ආණ්ඩු පක්ෂ ප්රධාන සංවිධායක කාර්යාල ආරංචි මාර්ග කියා සිටියේය.
ඒ අනුව මෙම ආණ්ඩු පක්ෂ මැති ඇමැතිවරුන්ට අනිද්දා (10) සිට මසක කාලයක් පාර්ලිමේන්තු පැමිණීම ද අනිවාර්ය වී ඇති අතර පාර්ලිමේන්තුව පැවැත්වෙන සම්පූර්ණ කාලය තුළ සභාවේ සිටීම ද අනිවාර්යකර ඇතැයි වාර්තා වේ.