වෙළෙඳ දැන්වීම් හා ගීත රූප රචනා සඳහා සිය රංගන දායකත්වය ලබාදෙමින් කලා ක්ෂේත්‍රයට පිවිසි ඇය, මේ වනවිට රසික ආදරය නොමඳව දිනාගෙන ඇත්තේ ටෙලි හා සිනමා නිළියක ලෙසිනි. කිෂානි පසුගියදා තමාගේ ව්‍යාපාරයක් ආරම්භ කරන්නට කටයුතු කර තිබුණ අතර, ඇය ඒ පිළිබඳව මෙලෙස අදහස් දැක්විය.
"මම "රාධා" කියලා මගේම සාරි ෂොප් එකක් මීට මාසයකට විතර කලින් විවෘත කළා. මේක තියෙන්නෙ මගේ ගේ තියෙන බොරැල්ල ටිකල් පාරෙමයි. මේ ව්‍යාපාරය පටන් ගත්තෙ නම් හදිස්සියෙම තමයි. පුංචි ආසාවක් ආවා සාරි ෂොප් එකක් පටන් ගන්න. රටවල් කිහිපයකින් අපි සාරි ගෙන්වනවා. විශේෂයෙන්ම සාරිවලට ප්‍රසිද්ධ ඉන්දියාවෙන් පවා අපි සාරි ගෙන්වනවා. අම්මා තමයි මේ වැඩවලට ගොඩක්ම මූලිකත්වය අරගෙන කටයුතු කරන්නේ."
