රාජකාරියේ යෙදී සිටි රාගම පොලිසියේ නිලධාරීන්ට පාර්ලිමේන්තු මන්ත්රී චතුර සේනාරත්න මහතා බැණ තර්ජනය කළේ යැයි කියන සිද්ධිය සම්බන්ධ නඩුව ඊයේ (22) යළි කැඳවූ අවස්ථාවේ දෙපාර්ශ්වයේ එකඟතාව මත නඩුව සමථයකට පත් කරන බව මීගමුව ප්රධාන මහෙස්ත්රාත් රුචිර වැලිවත්ත මහතා පැවසීය.
රාගම රථ ගාලේ අයිතිය සම්බන්ධව ඇතිවූ ප්රශ්නයකදී චතුර සේනාරත්න මන්ත්රීවරයා රාගම පොලිසියේ නිලධාරීන්ට බැණ තර්ජනය කර රාජකාරියට බාධා කළේ යැයි රාගම පොලිසිය අධිකරණයට චෝදනා පත්රයක් මගින් පැමිණිල්ලක් ගොනු කර තිබුණි.