සරත් කුමාර ගුණරත්න රිමාන්ඩ්

අද උදැසන අත්අඩංගුවට ගත් හිටපු නියෝජ්‍ය අමාත්‍ය සරත් කුමාර ගුණරත්න නොවැම්බර් මස 01 වනදා දක්වා රක්ෂිත බන්ධනාගාරගත කිරීමට මීගමුව මහේස්ත‍්‍රාත්වරයා නියෝගකර ඇතැයි වාර්තා වේ.

ඉකුත් 2002 වසරේ සිදු වූ රිය අනතුරකින් පුද්ගලයෙකු මියගොස් තිබෙනවා. කෙසේ වෙතත් නඩුව විභාග වී තිබෙන්නේ හිටපු නියෝජ්‍ය අමාත්‍ය සරත් කුමාරගේ සහයකයා පැදවූ රියෙහි ගැටීමෙන් එම පුද්ගලයා මියගිය බව පවසමින්.

බිරිය කාමරයක සිරකර සැමියා තහනම් පෙමක

නාඋල පොලිස් ස්ථානයට යාබද ගම්මානයක පුද්ගලයකු සිය නීත්‍යනුකූල බිරිය කාමරයක සිරකර කලක් තිස්සේ වෙනත් කාන්තාවක් සමඟ අනියම් ඇසුරක් පැවැත්වීමේ සිද්ධියක් ගැන නාඋල පොලිසිය පරීක්ෂණ ආරම්භ කර තිබේ.

බිරිය විසින් නාඋල පොලිසියට සිද්ධිය සම්බන්ධයෙන් කරන ලද පැමිණිල්ලක් අනුව මේ පරීක්ෂණය පැවැත්වෙයි.

96 ලෝක ක්‍රිකට් ශූරයෝ ඕස්ට්‍රේලියාවට

උද්ධමනය ඉහළට

ඉකුත් සැප්තැම්බර් මස උද්ධමනය සියයට 4.7 දක්‌වා සුළු වශයෙන් ඉහළ ගොස්‌ ඇත.පසුගිය අගෝස්‌තු මස පැවැති උද්ධමනය සියයට 4.5 ක්‌ විය.

ජාතික පාරිභෝගික මිල දර්ශකයේ ලෂ්‍යමය පදනම මත මේ උද්ධමනය ගණනය කර ඇත.මේ අනුව අගෝස්‌තු මාසයේ 113.3 ක්‌වූ කොළඹ පාරිභෝගික මිල දර්ශකයේ දර්ශක අගය ඉකුත් සැප්තැම්බර් මාසයේදී දර්ශක අංක 113.5 ක්‌ දක්‌වා සියයට 0.2 කින් ඉහළ ගොස්‌ තිබේ.

ශ්‍රී ලංකා ටෙස්‌ට්‌ පිලේ ඔටුන්න රංගන හේරත්ට

සිම්බාබ්වේ සංචාරය පිටත්ව යැමට පෙර ශ්‍රී ලංකා පිල සහභාගි වූ අවසන් පුහුණු සැසියේදී කණ්‌ඩායම් නායක ඇන්ජලෝ මැතිව්ස්‌ මස්‌ පිඩු පෙරළීමේ (බත්කෙණ්‌ඩ) ආබාධයකට ලක්‌වීම හේතුවෙන් ශ්‍රී ලංකා ටෙස්‌ට්‌ පිලේ නායකත්වය රංගන හේරත්ට ලබාදීමට ශ්‍රී ලංකා ක්‍රිකට්‌ තේරීම් කමිටුව තීරණය කර තිබේ.

මේ සම්බන්ධයෙන් ක්‍රිකට්‌ තේරීම් කමිටු සභාපති සනත් ජයසුරිය මහතා ඊයේ (23 දා) සන්ධ්‍යාවේ පවසා සිටියේ ''මැතිව්ස්‌ හදිසියේ පුහුණුවීම්වලදී ආබාධයකට ලක්‌ වුණා. මට හිතෙන විදිහට ඔහුට සම්පූර්ණ සිම්බාබ්වේ සංචාරයම අහිමි වෙයි. අපි රංගන හේරත්ව නායකත්වයට පත් කරනවා. මැතිව්ස්‌ වෙනුවට කණ්‌ඩායමට ගේන්නෙ කවුද කියල තවම සාකච්ඡා කරනවා'' යනුවෙනි. වාර්තාවන අන්දමට උපුල් තරංග හෝ සඳුන් වීරක්‌කොඩි මැතිව්ස්‌ වෙනුවට කීඩා කරනු ඇත.