එක්‌දින සංචිතයට නම් කරයි - නවකයන් සමග ඩිල්ෂානුත් ඇතුළට

ඔස්‌ටේ්‍රලියාව සමග තරග පහකින් සමන්විත එක්‌දින ක්‍රිකට්‌ තරගාවලිය සඳහා තෝරාගන්නා ශ්‍රී ලංකා සංයුති තෙවරක්‌ නම් කිරීමට සිදුව ඇති බව වාර්තා වේ.

ඇතමුන්ගේ හිතවත්කම් උඩ නම් කරන ලද ක්‍රීඩකයන් ඉවත් කිරීමට විවිධ පාර්ශ්ව වලින් එල්ල වූ චෝදනා හේතුවෙන් මෙම නම් කිරීම අවස්‌ථා කිහිපයකදී සිදුකිරීමට සිදුවූ බව වැඩිදුරටත් වාර්තා වේ.

මහින්දගෙන් නිවේදනයක් - පක්ෂය දෙකඩයි

ශ්‍රී ලංකා නිදහස් පක්ෂයේ ‘බල කණු’ ආසන සංවිධායක පදවිවලින් ඉවත් කරනු ලැබීම පක්ෂය දෙකඩ කිරීමක් බව හිටපු ජනපති මහින්ද රාජපක්ෂ මහතා පවසනවා.

ශ්‍රී ලංකා නිදහස් පක්ෂයේ අනුශාසකවරයෙකු වන හිටපු ජනාධිපතිවරයා නිවේදනයක් නිකුත් කරමින් සඳහන් කරන්නේ ‘මේ දඩයම නිසා’ ශ්‍රී ලංකා නිදහස් පක්‍ෂය දැනටමත් දෙකඩ වී ඇති බවයි.

ආසන සංවිධායකයන් ඉවත් කරනු ලැබීම හිටපු ජනාධිපතිවරයා හඳුන්වන්නේ ඒකාබද්ධ විපක්‍ෂය සමඟ වැඩ කරන ශ්‍රී ලංකා නිදහස් පක්‍ෂ සාමාජිකයින්ගෙන් පළිගැනීමේ නවතම අදියර ලෙසයි.

ලංකාවේ හිටියොත් ශ්‍රීලනිප සමුළුවට එනවා

ශ්‍රී ලංකාවේ සිටියහොත් තමා ශ්‍රී ලංකා නිදහස්‌ පක්‍ෂයේ 65 වැනි සංවත්සරයට සහභාගි වන බව හිටපු ජනාධිපති මහින්ද රාජපක්‍ෂ මහතාට ආරාධනා පත්‍රය භාරදීමට ගිය අවස්‌ථාවේ ඔහු තමාට පැවැසුවේයෑයි කම්කරු ඇමැති ජෝන් සෙනෙවිරත්න මහතා  ඊයේ (17 වැනිදා) ප්‍රකාශ කළේය.

හිටපු ජනාධිපති මහින්ද රාජපක්‍ෂ මහතා ඉතාමත් සුහද අයුරින් යුතුව එම ප්‍රකාශය කළ බවද ජෝන් සෙනෙවිරත්න මහතා සඳහන් කළේය.

තවත් අධ්‍යක්ෂවරියන් 2ක් රටින් පැනලා

පාර්ලිමේන්තු මන්ත්‍රී නාමල් රාජපක්ෂ මහතා විසින් අයථා ලෙස උපයා ගත් රුපියල් මිලියන 125 මූල්‍ය වංචාවට ආධාර අනුබල දීම සම්බන්ධයෙන් මූල්‍ය අපරාධ කොට්ඨාසය මගින් අත්අඩංගුවට ගැනීමට සොයන තවත් අධ්‍යක්ෂවරියන් දෙදෙනෙක් මෙරටින් පලාගොස් තිබේ.

ප්‍රකාශයක් ගැනීමට කැඳවා සිටි තවත් අධ්‍යක්ෂවරියක් රෝහල් ගතවී ඇතැයි මූල්‍ය අපරාධ කොට්ඨාසය පවසයි. මෙම මූල්‍ය වංචාවට සම්බන්ධ තවත් අධ්‍යක්ෂවරියක් පෙරේදා මූල්‍ය අපරාධ කොට්ඨාසය මගින් අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව රිමාන්ඩ් බාරයට පත්වූවාය.

රටින් පලාගිය ASPට යළි තනතුර

දේශපාලන බලපෑම් මත යැයි සඳහන් කරමින් ‍පොලිස් සේවය අතහැර ඕස්ට්‍රේලියාවට පලාගොස් ආණ්ඩු පෙරළියෙන් පසු මෙරටට පැමිණි හිටපු ‍‍‍ජ්‍යෙෂ්ඨ ‍පොලිස් අධිකාරි ප්‍රිශාන්ත ජයකොඩි මහතාව නැවත සේවයේ පිහිටුවීමට කැබිනට් අනුමැතිය ලැබි ඇතැයි නීතිය, සාමය හා දක්ෂිණ සංවර්ධන අමාත්‍යාංශයේ තොරතුරු අනාවරණය කළේය.

මෙරටට ඔහු පැමිණීමෙන් පසු එ.ජා.ප.යේ මහර ආසන සංවිධායක ධුරය හිමි විය. පසුගිය මහා මැතිවරණයේදී ඔහු එ.ජා.ප.යෙන් ගම්පහ දිස්ත්‍රික්කයටද තරග කළේය. තමන් මේ වනවිට ආසන සංවිධායක ධුරයෙන් ඉවත්ව ඇති බව ඒ සම්බන්ධයෙන් කළ විමසුමකදී ප්‍රිශාන්ත ජයකොඩි මහතා සඳහන් කළේය.