දිමුත්ගේ අමුතු අවුට් එක - වීඩියෝ

එස්.එස්.සී. පිටියේ පැවැත්වෙන  ඕස්ටේ‍්‍රලියා ශ‍්‍රී ලංකා ටෙස්ට් ක‍්‍රිකට් තරගය අතරතුර කලාතුරකින් සිදුවන අතපසුවීමක් ප‍්‍රයෝජනයට ගෙන දිමුත් කරුණාරත්නව දවාගන්නට කඩලූ රකින ක‍්‍රීඩක පීටර් නෙවිල්ට අද හැකි වුණා.

එම දැවී යාම පොතේ හැටියට නිවැරදි වුවත් කෙතරම් දුරට සදාචාර සම්පන්නද යන්න ගැන දැන් විවාදයක් හටගෙන තිබේ.

හේරත් පහේ ඒවා 25ක් ගනී

ඔස්ට්‍රේලියාව සමගින් පැවැතවෙන තෙවැනි ටෙස්ට් තරගයේදී ශ්‍රී ලංකාවේ රංගන හේරත්, ඉනිමේ සිය කඩුළු 5 සම්පූර්ණ කිරීමට ඊයේ (15) සමත් විය.

ජොස් හැසෙල්වුඩ්ගේ කඩුල්ල දවා ගනිමින් හේරත් විසින් මෙම දස්කම ප්‍රදර්ශණය කළ අතර මෙය ඔහු ටෙස්ට් ඉනිමක කඩුළු 5 බැගින් දවා ගත් 25 වැනි අවස්ථාව ලෙසින් සනිටුහන් විය.

චන්ද්‍රිකාගේ චෝදනාවට ගෝඨාගෙන් සැර පිළිතුරක්! (VIDEO)

යුද්ධය සඳහා ප්‍රහාරක ගුවන් යානා මිලදී ගැනීමේදී හිටපු ආරක්ෂක ලේකම් ගෝඨාභය රාජපක්ෂ මහතා විසින් මූල්‍ය අක්‍රමිකතාවයක් සිදුකර ඇති බවට හිටපු ජනපතිනි චන්ද්‍රිකා බණ්ඩාරනායක කුමාරතුංග මහත්මිය විසින් පසුගියදා සිදුකළ ප්‍රකාශයට හිටපු ආරක්ෂක ලේකම්වරයා ප්‍රතිචාර දක්වා තිබේ.

ඊට ප්‍රතිචාර දක්වමින් හිටපු ආරක්ෂක ලේකම්වරයා විසින් නිකුත් කළ ලිපියේ දැක්වෙන්නේ තමන්ගේ කාලයේදී යුධ උපකරණ මිලදී ගැනීමේදී උපරිම පාරද්‍රෘශ්‍යභාවය ආරක්ෂා කළ බවයි.

ටිරාන් - එමිල් කාන්තන් ඇතුළු හතරකට නඩු

උතුරු, නැඟෙනහිර ප්‍රදේශවල සුනාමියෙන් විනාශ වූ නිවාස ඉදිකිරීමට මහා භාණ්ඩාගාරයෙන් රාධා ආයතනය වෙත ලබාදුන් රුපියල් මිලියන 200කට ආසන්න මුදලක් සාපරාධී සාවද්‍ය පරිහරණය කිරීම ඇතුළු අධිචෝදනා හතක් යටතේ රාධා ආයතනයේ හිටපු සභාපති ටිරාන් අලස්, එල්.ටී.ටී.ඊ. සංවිධානයේ උතුරු, නැ‍ඟෙනහිර මූල්‍ය අංශ ප්‍රධානී එමිල් කාන්තන් ඇතුළු විත්තිකරුවන් සිවුදෙනකුට එරෙහිව නීතිපතිවරයා කොළඹ මහාධිකරණය හමුවේ නඩු පැවරීය.

පොලිසියේ වැටුප් ඉහළට

ජනවාරි මස 01 වැනිදා සිට පොරොන්දු වූ පරිදි පොලිස් සේවාවේ වැටුප් වැඩිකරන බව නීතිය හා සාමය සහ දක්ෂිණ සංවර්ධන ඇමැති සාගල රත්නායක මහතා පැවැසීය.

ජනතාවට වැඩදායි නීතිය හා සාමය ආරක්ෂා කරන පොලිස් සේවාවක් බිහිකිරීම රජයේ අරමුණ බව ද සාගල රත්නායක මහතා පැවැසීය.

ඒ මහතා මේ බව පැවැසුවේ 450 වන පොලිස් ස්ථානය ලෙසින් මාතර කොටවිල නව පොලිස් ස්ථානය විවෘත කිරීමේ අවස්ථාවට පෙරේදා (14) දින සහභාගි වෙමිනි.