ජේසු පිළිමයක් ඇස හැර බලයි (VIDEO)

අන්තර්ජාලය කියන්නේ ඇත්ත මෙන්ම බොරුව ද පවතින තැනක්.අන්තර්ජාලයේ ඇති තොරතුරු සමුදායෙන් ඇත්ත වෙන්කර ගැනීම සැබැවින්ම හිතන තරම් ලෙහෙසි වන්නේ නැහැ.

මේ බව සනාථ කරමින් දිනපතාම පාහේ ව්‍යාජ ලෙස සැකසූ වීඩියෝ දසුන් Youtube ජාලයට එකතු වෙමින් පවතිනවා.දේවස්ථානයක ඉදිකර ඇති ජේසුස් වහන්සේගේ පිළිරුවක් ඇස් හැර බල නැවතත් ඇස් පියාගැනීමේ දසුන් පෙලක් දැක්වෙන වීඩියෝවක් මේවන විට ලොව පුරා Youtube පරිශීලකයින් කම්පනය කරන්නට සමත් වෙලා.

විජය නන්දසිරි වෙනුවෙන් ජනපති නියමයෙන් ලක්ෂ 5ක්

අභාවප්‍රාප්ත ප්‍රවීණ රංගන ශිල්පී විජය නන්දසිරි මහතා වෙනුවෙන් රුපියල් ලක්ෂ පහක මුදලක් ලබා දීමට ජනාධිපති මෛත්‍රීපාල සිරිසේන මහතා පියවර ගෙන ඇත.

මෙම ලක්ෂ පහක මුදල ඊයේ (10දා) දිනම ලබාදෙන ලෙස ජනාධිපතිවරයා විසින් ජනාධිපති ‍ලේකම් පී.බි. අබේකෝන් මහතාට උපදෙස් ලබා දීමත් සමග ‍ලේකම්වරයා විසින් මෙම මුදල විජය නන්දසිරි මහතාගේ පවු‍ලේ සාමාජිකයන් වෙත ලබා දී තිබේ.

සුජිත් කෝනාර

බැසිල් හා යෝෂිතගේ මුදල්-ඉඩම් රාජසන්තකයි

හිටපු අමාත්‍ය බැසිල් රාජපක්ෂ මහතාගේ කඩුවෙල සහ මාතර පිහිටි ඉඩම් දෙකක් සහ සී.එස්.එන්. නාලිකාව හරහා සිංගප්පූරුවේ සඟවන ලද රුපියල් මිලියන 157.5ක මුදලක් මහ බැංකුවට පවරා ගන්නා බව කැබිනට් ප්‍රකාශක අමාත්‍ය රාජිත සේනාරත්න මහතා ඊයේ (10) පැවැසීය.

රජයේ ප්‍රවෘත්ති දෙපාර්තමේන්තුවේ ඊයේ (10) පැවැති කැබිනට් තීරණ දැනුම්දීමේ මාධ්‍ය හමුවේදී අමාත්‍යවරයා මෙම අදහස් පැවැසීය. කඩුවෙල ප්‍රදේශයේ පිහිටි මෙම ඉඩම අක්කර 18කින් සමන්විත සුවිසල් හෝටලයක් ආකාරයට ගොඩනගා ඇති බවත් එම ඉඩම සහ ගොඩනැගිලි ‍පොලිස් පුහුණු පාසලක් ඉදිකිරීම සඳහා යොදවන බවද රාජිත සේනාරත්න මහතා පැවැසීය. ඒ සඳහා කැබිනට් අනුමැතියද හිමිවූ බව ඒ මහතා පැවැසීය.

තාජුඩීන් සිදුවීම පමණක් නිරීක්ෂකයන් නැතිව තීන්දු කරලා

2012 වසරේ මැයි මස සිට මේ දක්වා මාරක රිය අනතුරු තුන්දහසකට ආසන්න ප්‍රමාණයක් සිදුව ඇති අතර එම අනතුරු අතරින් මෝටර් රථ ප්‍රවාහන දෙපාර්තමේන්තුවේ නිරීක්ෂකයන් කැඳවා නැති එකම රිය අනතුර 2012 මැයි 17 දින සිදුවූ ප්‍රසිද්ධ රගර් ක්‍රීඩක වසීම් තාජුඩීන්ගේ මරණයට අදාළ අනතුර බව අනාවරණය වේ.

නාරාහේන්පිට ශාලිකා ක්‍රීඩාංගණය අසල එම අනතුර සිදුවී තිබුණි. වසීම් තාජුඩීන්ගේ මරණය පසුව ඝාතනයක් බව රහස් පොලිසිය මගින් හෙළිකර ගනු ලැබුවත් 2012 එම සිද්ධිය සම්බන්ධ‍ව පරීක්ෂණ පැවැත්වූ පොලිසිය තීරණය කර තිබුණේ තාජුඩීන්ගේ මරණය මාරක රිය අනතුරකින් සිදුවූ මරණයක් බවයි.

හනුමන් පාලමක් හදන්නේ නෑ

වත්මන් රජයේ සංවර්ධන ක්‍රියාවලිය හමුවේ පාද යාත්‍රා ගොස් පොල් ගසා ඇතිවී, පැරදී, සිරවී සිටින මන්ත්‍රීවරුන් කරකියා ගත නොහැකිව ජාතිවාදය වපුරමින් සිටින බව අගමැති රනිල් වික්‍රමසිංහ මහතා පාර්ලිමේන්තුවේ දී ඊයේ (10) පැවැසීය. කුරුණෑගල පැවැත්වෙන ශ්‍රී ලංකා නිදහස් පක්ෂයේ සම්මේලනයට මහින්ද රාජපක්ෂ මන්ත්‍රීවරයා ගියොත් මේ පිරිස තවත් අගාධයට පත්වන බව ද අගමැතිවරයා පැවැසීය.

මෙලෙස විවිධ විරෝධතා දක්වන මෙම පිරිස මිහිදු මහ රහතන් වහන්සේ සිටි කාලයේ සිටියේ නම් ඉන්දියානු ජාතිකයෙක් කියා මිහිදු මහ රහතන් වහන්සේ ද පළවා හරින බව ද සඳහන් කළේය.