මුසම්මිල්ට ඇප රට ගමන් තහනම්

ජාතික නිදහස් පෙරමුණේ මාධ්‍ය ප්‍රකාශක මොහොමඩ් මුසම්මිල්ගේ දරුවන්ගේ සෞඛ්‍ය තත්ත්වය සලකා බලා කොටුව මහේස්ත්‍රාත් ලංකා ජයරත්න මෙනෙවිය අද (10දා) ඔහුට ඇප නියම කළාය.

රුපියල් 25000ක මුදල් ඇපයක් හා රුපියල් දස ලක්ෂය බැගින් ශරීර ඇප දෙකක් මත ඔහු මුදාහැරීමට නියෝග කළ මහේස්ත්‍රාත්වරිය ඔහුගේ විදේශ ගමන් බලපත්‍රය තහනම් කළාය.

රවී හා ජනපති ගැටෙන ලකුණු

දුම්වැටි බදු ඉහළ දැමීමේදී ඇතිවිය හැකි ගැටලු සම්බන්ධ වාර්තාවක් අමාත්‍ය මණ්ඩලයට ඉදිරිපත් කිරීමට තමා තීරණය කර ඇතැයි මුදල් අමාත්‍ය රවී කරුණානායක මහතා කියා සිටී.අමාත්‍යවරයා වැඩිදුරටත් සඳහන් කළේ මීලග කැබිනට් මණ්ඩලයට එය ඉදිරිපත් කරන බවයි.

ඔහු විසින් අදාළ යෝජනාව ඉදිරිපත් කිරීමට සූදානම් වන්නේ ඊයේ (10) පැවති අමාත්‍ය මණ්ඩල රැස්වීමේදී ඉදිරිපත්වූ යෝජනාවක් සැලකිල්ලට ගනිමිනි.

බස් රථ 2ක් ගැටෙයි - 38ක් රෝහලට (VIDEO)

ගාල්ල, මාපලගම ප්‍ර‍ධාන මාර්ගයේ ලබුදූව දක්ෂිනපාය අමාත්‍යංශය ආසන්නයේදී ඊයේ (09) පස්වරු 5.00ට පමණ බස් රථ 02ක් මුහුණට මුහුණ ගැටී සිදුවූ අනතුරකින් 38 දෙනකුට ආසන්න ප්‍රමාණයක් තුවාල ලබා ගාල්ල කරාපිටිය රෝහලට ඇතුළත් කළ බව පොලීසිය ප්‍රකාශ කරයි.

ප්‍ර‍තිකාර ලබන අය අතරින් එක් අයෙකුගේ තත්ත්වය බරපතල බව කරාපිටිය රෝහල් ප්‍රකාශකයෙකු සඳහන් කරයි.මෙම අනතුරින් කුඩා ළමුන් කිහිපදෙනකු ද තුවාල ලබා ඇති තිබේ.

පැය 12 ක් මහරගම - පාදුක්ක අතර ජලය නෑ

අද උදෑසන 9 සිට ක්‍රියාත්මක වන පරිදි ප්‍රදේශ 11ක ජල සැපයුම තාවකාලිකව ඇති හිටුවන බව ජාතික ජල සම්පාදන සහ ජලාපවහන මණ්ඩලය දන්වා සිටි.

ඒ අනුව අද(10) උදැසන 9 සිට එදින රාත්‍රී 9 දක්වා පැය 12ක කාලයක් ජල සැපයීම අත්හිටුවීමට නියමිත අතර එලෙස ජල සැපයුම අත්හිටුවනු ලබන ප්‍රදේශ වන්නේ මහරගම, බොරැලස්ගමුව, පන්නිපිටිය, කොට්ටාව, හෝමාගම,රුක්මල්ගම,පැලන්වත්ත,මත්තේගොඩ,ගොඩගම,මීපේ සහ පාදුක්ක යන ප්‍රදේශයි.

ඇඹිලිපිටිය හිටපු ASP යළි සේවයට

සත්‍ය කෙදිනකවත් යටපත් වෙන්නේ නැතැයි ඇඹිලිපිටිය තරුණයාගේ මරණය සම්බන්ධව සැකපිට රිමාන්ඩ් භාරයේ පසුවී යළිත් පොලිස්‌ සේවයට එක්‌වූ සහකාර පොලිස්‌ අධිකාරි ඩී. ඩබ්ලිව්. ධර්මරත්න මහතා ඊයේ (9 දා) ප්‍රකාශ කළේය.

එමෙන්ම නීතිය හැම කෙනෙකුගේම අතට ගත නොහැකි යෑයිද පැවසූ සහකාර පොලිස්‌ අධිකාරිවරයා මේ පිළිබඳව අධිකරණයේ නඩුවක්‌ පැවැත්වෙන නිසා ඉන් එහා කිසිවක්‌ කීමට නොහැකි බවද කීය.තමා යළිත් අද හෝ හෙට සහකාර පොලිස්‌ අධිකාරිවරයකු ලෙස රාජකාරිය භාර ගන්නා බවද කීය.