මාස 3ක්‌ කටුනායක ගුවන්තොට වැසේ

කටුනායක බණ්‌ඩාරනායක ජාත්‍යන්තර ගුවන්තොටුපළේ ප්‍රධාන ධාවන පථය ලබන වසරේ ජනවාරි 06 සිට අප්‍රේල් 06 දක්‌වා මාස තුනක කාලයක්‌ ප්‍රතිසංස්‌කරණ කටයුතු සඳහා වසා තැබේ.

උදැසන 8.30 සිට පස්‌වරු 4.30 දක්‌වා කාලය තුළ ධාවන පථය වසා තැබේ.

මේ කාලය තුළ විකල්පයක්‌ ලෙස මත්තල ගුවන්තොටුපළ යොදාගන්නා ලෙස අදාළ ගුවන් සේවාවලට දැනුම් දී ඇතැයි සිවිල් ගුවන් සේවා අධ්‍යක්‍ෂ ජනරාල් එම්. එම්. සී. නිමල්සිරි මහතා ප්‍රකාශ කරයි.

ජාත්‍යන්තර පාසලක අත්බෝම්බයක්‌

නුගේගොඩ ප්‍රසිද්ධ ජාත්‍යන්තර පාසලක පිහිනුම් තටාකයේ තිබී විදේශීය රටක නිෂ්පාදිත ජීව අත්බෝම්බයක්‌ ඊයේ (17 වැනිදා) උදේ සොයාගත් බව කොහුවල පොලිසිය පවසයි.

ලද තොරතුරකට අනුව එම පාසලට ගොස්‌ පරීක්‍ෂා කිරීමේදී එය ජීව අත්බෝම්බයක්‌ බව හඳුනා ගැනීමෙන් පසු යුද හමුදා බෝම්බ නිෂ්ක්‍රීය අංශය කැඳවා එය පාළු ප්‍රදේශයකට රැගෙන ගොස්‌ නිෂ්ක්‍රීය කර ඇත.

යම් හෙයකින් දරුවන් මෙම පිහිනුම් තටාකයේ හිටියේ නම් එය පිපිරී විශාල අනතුරක්‌ සිදුවීමට ඉඩ තිබූ බවද පොලිසිය කියයි.

නාමල් - ජානකී සබඳතාව එළියට

ක‍්‍රිෂ් ඉඩම් ගනුදෙනුව සම්බන්ධයෙන් මේ වන විට සිදු කෙරෙමින් පවතින විමර්ශන අතරතුරේ දී පෑන් ඒෂියා බැංකුවේ සභාපති නිමල් පෙරේරා මහතා විසින් මහෙස්ත‍්‍රාත්වරයකු හමුවේ ලබා දී ඇති පාපෝච්චාරණය මඟින් නාමල් රාජපක්ෂ සහ ක‍්‍රිෂ් සමාගමේ අධ්‍යක්ෂවරියක වන ජානකී සිරිවර්ධන නොහොත් ජානකී වරකාගොඩ මහත්මිය අතර වූ සම්බන්ධතා රැසක් ගැන තොරතුරු හෙළිදරව් වූ බව මූල්‍ය අපරාධ කොට්ඨාස ආරංචි මාර්ග සඳහන් කරයි.

ජානකී සිරිවර්ධන නම් ව්‍යාපාරිකාව පසුගිය රාජපක්ෂ රෙජීමය සමඟ ඉතා සමීපව කටයුතු කළ තැනැත්තියක වන අතර ඉන්දියාවේ මහදේවන් සමාගමේ (ක‍්‍රිෂ් ලංකා සමාගමේ මව් සමාගම) හිමිකරුවන් මෙරට ආයෝජනය සඳහා කැඳවාගෙන පැමිණ තිබුණේ ඇයයි.

අවුරුදු 16ක සිසුවියක් අතුරුදහන්

ගාල්ල හික්කඩුව දොඩංදූව පිංකන්ද ප්‍රදේශයේ පදිංචි කේ.ඡී.සුමුදු දේෂානී නම් 16 හැවිරිදි පාසල් සිසුවිය ඡුනි මස 1 දා සිට අතුරුදහන්ව ඇත.

2018 වසරේ උසස්පෙල හදාරීමට නියමිතව සිටී දේෂානී සිසුවිය 2016-ඡුනි 1 වන දින සුපුරුදු පරිදි පාසල් ගොස් ඇති අතර නැවත පාසල නිමවී නිවසට පැමිණ නැහැ..එම නිසා මව විසින් ඡුනි 1 වන දින රාත්‍රීයේ හික්කඩුව පොලීසියට පැමිනිලි කර ඇත.

නාමල් මහින්දගේ කාමරයට

රක්ෂිත බන්ධනාගාරගත කර සිටින පාර්ලිමේන්තු මන්ත්‍රී නාමල් රාජපක්ෂ මහතා මේවන විට සිටින්නේ වැලිකඩ මැගසින් බන්ධනාගාරයේ ඊ වාට්ටුවේය.

නාමල්ට ලැබී ඇති අංකය වන්නේ 5500 ය.මේ වාට්ටුවේ ජාතික නිදහස් පෙරමුණේ මාධ්‍ය ප්‍රකාශක මොහොමඩ් මුසාමීල් මහතාද සිටී.

කෙසේවුවද, නාමල් රඳවා ඇත්තේ මීට වසර 34කට පෙර හිටපු ජනපති මහින්ද රාපක්ෂ මහතා රක්ෂිත බන්ධනාගාරගත කළ අවස්ථාවේ රඳවා සිටි කාමරයේමය.මහින්ද 1982 දී එවකට පාර්ලිමේන්තු මන්ත්‍රීවරයකුව සිටියදී එසේ රක්ෂිත බන්ධාගාරගත කර තිබිණි.