හොල්සිම් ගන්න රාජපක්ෂ පවුලෙන් ලන්සුවක්

ලෆාර්ජ් හොල්සිම් සමාගම තම මුල්‍ය ඉලක්ක සපුරා ගැනීම සඳහා මෙම වසර අවසානය වන විට ඩොලර් බිලියන 3.7 ක් සොයා ගැනීමට අපේක්ෂා කරන අතර ඒ සදහා ලොව පුරා ඇති තම සහෝදර සමාගම්වලට අනුබද්ධ ආයතන විකිණීමෙන් එම මුදල් සොයා ගැනීමට සූදානම් වේ.

ලංකා හොල්සිම් සමාගමද ඒ අනුව විකිණීමට තීරණය කර ඇත

මේවසර තුළ HIV ආසාදිතයන් 128 දෙනෙක්

මේ වසරේ පළමු මාස හය තුළ දී ශ්‍රී ලංකාවෙන් එච් අයි වී ආසාදිතයන් 128 දෙනෙකු සොයා ගත් බව ජාතික ලිංගාශ්‍රිත රෝග පිළිබඳ මධ්‍යස්ථානය ප්‍රකාශ කළේය.

මින් සියයට 70ක් පමණ දෙනා පුරුෂයන් වන බවත් පිරිමින් අතර HIV පැතිර යාමට අනාරක්ෂිත සමලිංගික සබඳතා ප්‍රධාන හේතුවක් වී ඇති බවත් ජාතික ලිංගාශ්‍රිත රෝග පිළිබඳ මධ්‍යස්ථානයේ අධ්‍යක්ෂ වෛද්‍ය සිසිර ලියනගේ පැවසීය.

ඩෙංගු මරණ 40ක්‌

මෙම වසරේ (2016) මේ දක්‌වා (මාස හයයි දින නවයක්‌ තුළ) ඩෙංගු උණ රෝගය හේතුවෙන් දිවයිනේ පුද්ගලයන් 40 දෙනකු පමණ මරුමුවට පත්ව තිබේ.

මෙම ජුලි මාසයේ ගත වූ දින නවය තුළදී පමණක්‌ වාර්තා වී ඇති ඩෙංගු රෝගීන් සංඛ්‍යාව 1056 ක්‌ බව සෞඛ්‍ය අමාත්‍යාංශයේ වසංගත රෝග විද්‍යා අංශය පවසයි.

එසේම වසරේ මේ දක්‌වා වූ කාලය තුළ වාර්තා වී ඇති ඩෙංගු රෝගීන් සංඛ්‍යාව 22,799 කි.

අයිඕසී ඉන්ධන මිල නග්ගයි

ඉන්දියන් තෙල් සමාගම (අයි.ඕ.සී.) පෙට්‍රල් සහ ඩීසල් ලීටරයක මිල රුපියල් 2 කින් ඉහළ දමා තිබේ.

මෙලෙස ඉන්දියන් තෙල් සමාගම ඉන්ධන මිල ඉහළ දමා ඇත්තේ අදාළ ගිවිසුම් උල්ලංඝනය කරමින් යෑයි ශ්‍රී ලංකා ස්‌වාධීන නිදහස්‌ සේවක එකමුතුවේ උප සභාපති ජීවක රුවන් රූපසිංහ මහතා පැවසීය.

ලංකා ඛනිජ තෙල් සංස්‌ථාවට අයත් සිපෙට්‌කෝ ඉන්ධනහල්වල ඉන්ධන මිල ගණන් ඉහළ දමා නොතිබියදී ඉන්දියන් තෙල් සමාගම හිතුමතේ මෙලෙස මිල ගණන් ඉහළ දැමීමට එරෙහිව දැවැන්ත උද්ඝෝෂණයක්‌ සිදුකරන බව ලංකා ඛනිජ තෙල් සංස්‌ථාවේ වෘත්තීය සමිති පවසයි.

දැන් ඡායා කැබිනට්ටුවක් නැහැ

අගමැති ඉවත්වන විට කැබිනට් මණ්ඩලයම ඉවත්වන බැවින් දැන් ඡායා කැබිනට් මණ්ඩලයක් නොමැති බව හිටපු ජනාධිපති කුරුණෑගල දිස්ත්‍රික් පාර්ලිමේන්තු මන්ත්‍රී මහින්ද රාජපක්ෂ මහතා වෙන්නප්පුවේදී පැවසීය.

වෙන්නප්පුව සිරිගම්පල බෝධිරුක්ඛාරාම විහාරස්ථානයේ ඊයේ(09දා) සංවිධානය කර තිබූ ආශිර්වාද පිංකමෙන් අනතුරුව පැවති ජනහමුවට සහභාගීවෙමින් හෙතෙම මේබව කීය. ඒකාබද්ධ විපක්ෂයේ ඡායාකැබිනට්මණ්ඩලය පිළිබඳ මහින්ද රාජපක්ෂ මහතා මෙසේදකීය.