මහ බැංකු අධිපති පත්වෙයි

නව මහ බැංකු අධිපතිවරයා ආචාර්ය ඉන්ද්‍රජිත් කුමාරස්වාමි මහතාගේ පත්වීම් ලිපිය මීට ස්වල්ව වේලාවකට ජනාධිපති මෛත්‍රීපාල සිරිසේන මහතා විසින් ඒ මහතා වෙත භාරදී තිබේ.

කුමාරස්වාමි මහතා මීට පෙර ශ්‍රී ලංකා මහ බැංකුවේ සේවය කළ ඇති අතර ඔහු ජාත්‍යන්තර ආර්ථික විශ්ලේෂකයෙකු ද වේ.

විකිරණ පරීක්ෂණයෙන් රෝගියා මරුට

කොළඹ ප්‍රධාන පෙළේ රෝහලක සුදුසුකම් නොමැති පුද්ගලයෙකු විසින් රෝගියෙකු විකිරණ පරීක්ෂණයට ලක් කිරීමේදී අනුගමනය කළ යුතු ක්‍රියා පටිපාටිය නිසි පරිදි පිළි නොපැදීම හේතුවෙන් රෝගියා මිය ගොස් ඇතැයි රජයේ විකිරණ විද්‍යා තාක්ෂණාවේදීන්ගේ සංගමය සඳහන් කරයි. 

විකිරණ පරීක්ෂණයට රෝගියා ලක් කිරීමට පෙර Contrast Media නමැති ද්‍රව්‍ය පානය කිරීමට දිය යුතු අතර මෙම රෝගියාට එසේ පානය කිරීමට ලබාදුන් ඖෂධය පිට උගුරේ යාම හේතුවෙන් රෝගියා මිය ගොස් ඇතැයි සංගමයේ ‍ලේකම් ධර්මකීර්ති ඈපා මහතා සඳහන් කළේය.

ඇමතිධුරය දරන්න ලැජ්ජ ඇමති

ඇතැම් දේශපාලඥයින්ගේ ක‍්‍රියා කලාප හේතුවෙන් ඇමතිධුර දැරීම පවා අපහසු වි ඇති බව මුදල් රාජ්‍ය අමාත්‍ය ලක්ෂ්මන් යාපා අබේවර්ධන මහතා පවසනවා.

ඔහු මේ බව සඳහන් කලේ ඊයේ මාතරදි පැවති ජනහමුවකදි.

පටු දේශපාලන පොරොන්දු හේතුවෙන් රටේ ආර්ථිකය දුර්වල වි ඇති බවත් අමාත්‍යවරයා මෙහිදි සඳහන් කළා.

ගොරවන අයගේ ආයුෂ කෙටියි

නින්දේදී ගොරවන පුද්ගලයන්ගේ ආයුෂ කෙටි වන අතර ඔවුන් හර්දයාභාද අධි රුධිර පීඩනය සහ අංශභාගයට ගොදුරු වීමේ වැඩි අවධානයක් පවතින බව නව වෛද්‍ය විද්‍යාත්මක පරීක්ෂණ වලින් තහහුරු වී තිබෙනවා.

ලෝක ජනගහනයෙන් 74%කට සුවදායි නින්දක් නොලැබෙන බවයි පර්යේෂණ වාර්තා වල දැක්වෙන්නේ. අවුරුදු 3ට අඩු දරුවෙකු දිනකට පැය 12ක් නිදාගත යුතු අතර වැඩිහිටියෙකු දිනකට අවම වශයෙන් පැය 6ක නින්දක් අවශ්‍ය වනවා.

එමිල් කාන්තන් ළඟදීම ලංකාවට

තමා ශ්‍රී ලංකාවට නොපැමිණියේ නොවැළැක්විය හැකි හේතු නිසා වුවද, වර්තමානය වනවිට ශ්‍රී ලංකාවට නොපැමිණ සිටීමට හේතු නැතැයි එමිල් කාන්තන් පවසයි.

"මම රටින් ඈත්වී සිටීමට හිතුවේ නොවැළැක්විය හැකි හේතු නිසයි. ඒ නිසා මට නිදහසේ මෙන්ම ස්වාධීනව කටයුතු කිරීමට අවස්ථාවක් හිමිවුණේ නෑ. නමුත් දැන් තත්ත්වයන් වර්ධනය වී තිබෙනවා. ඒ නිසා ලංකාවට නොපැමිණ සිටීමට හේතුවක් නෑ* යැයි තමා ශ්‍රී ලංකාවට නොපැමිණීම පිළිබඳව අදහස් දක්වමින් එමිල් කාන්තන් පවසයි.