SEX සොයා ලංකාවට ආයෙත් ලෝකෙම මුල්තැන

ගූගල් අන්තර්ජාල සෙවුම් යන්ත්‍රයේ sex නැමැති වචනය වැඩිම වාර ගණනක් මේ වසරේදීත් සොයා ඇති රට බවට ශ්‍රී ලංකාව පත්ව තිබේ. මේ අනුව පසුගිය වසර 5ක කාලයේ පටන් sex වචනය ගූගල් සෙවුම් යන්ත්‍රයේ වැඩිම වාර ගණනාවක් සොයා ඇත්තේ ශ්‍රී ලංකාවයි.

එසේම ශ්‍රී ලංකාවේ නගරයක් ලෙස ගත්විට වැඩිම පිරිසක් sex නැමැති වචනය සොයා ඇත්තේ බස්නාහිර පළාතේ හෝමාගම නගරයයි.

ක්‍රිකට් ක්‍රීඩාවටත් රතු කාඩ්පත් එයි

ක්‍රිකට් පිටිය තුළ නොහික්මුණ ලෙස හැසිරෙන ක්‍රිකට් ක්‍රීඩකයන්ට එරෙහිව රතු කාඩ්පත් භාවිත කිරීමේ අවස්ථාව ලබාදීමට ලෝක ක්‍රිකට් කමිටුව තීරණය කර තිබේ.

ඒ අනුව නොහික්මුණ ලෙස හැසිරෙන ක්‍රිකට් ක්‍රීඩකයන්ට රතු කාඩ්පතින් අවවාද ලබාදී ඔහුව පිටියෙන් ඉවත්කිරීමට අදාළව පිටියේ විනිසුරුට අවස්ථාව ලබාදීමට ලෝක ක්‍රිකට් කමිටුව තීරණය කර තිබේ.

ත්‍රිරෝද රථ රියැදුරෙකුට 25,000ක් දඩ ගහලා

රියැදුරු බලපත්‍රයක් නොමැතිව බීමතින් මහනුවර නගරයේ රිය පැදවූ පුද්ගලයකුට රුපියල් විසිපන්දහසක දඩ මුදලක් හා මාස තුනක අනිවාර්ය සිරදඬුවමක් මහනුවර ප්‍රධාන මහේස්ත්‍රාත් බුද්ධික ශ්‍රී රාගල මහතා විසින් පෙරේදා (06) නියම කරනු ලැබීය.

ටී. ජී. ඩී. සමරක්කොඩි නැමැති අරුප්පල දෙ‍ෙවනි පටුමග ප්‍රදේශයේ පදිංචි ත්‍රිරෝද රථ රියැදුරෙකුට මෙලෙස දඩ මුදල් හා සිරදඬුවම් නියම විය. මහනුවර වේවැල්පිටිය ක්‍රීඩාංගණය අසලින් බීමතින් රිය ධාවනය කරමින් සිටියදී සැකකරු අත්අඩංගුවට ගැනිණි.

සෝභිත හිමිගේ මරණය සැක කටයුතු නෑ

කෝට්ටේ ශ්‍රී නාගවිහාරයේ වැඩ විසූ මාදුළුවාවේ සෝභිත හිමියන්ගේ මරණය සැකකටයුතු මරණයක් නොවන බවට විමර්ශනයේදී කරුණු අනාවරණය වී ඇති හෙයින් එම සිද්ධියට අදාළ නඩු කටයුතු අවසන් කිරීමට කොළඹ ප්‍රධාන මහේස්ත්‍රාත් ගිහාන් පිලපිටිය මහතා ඊයේ (07) තීරණය කළේය.

කොළඹ ජාතික රෝහලේ අධ්‍යක්ෂක වෛද්‍ය අනිල් ජාසිංහ මහතාගේ ප්‍රධානත්වයෙන් රැස් වූ විද්වත් වෛද්‍ය කමිටුවේ සම්පාදිත වාර්තාව ප්‍රකාරව නඩු කටයුතු අවසන් කරන ලෙසට රහස් පොලිසිය කළ ඉල්ලීම සලකා මහේස්ත්‍රාත්වරයා මෙම තීරණය ගත්තේය.

පළාත් පාලන ඡන්දය කොට්ඨාස ක්‍රමයට

පළාත් පාලන මැතිවරණය ඉතාමත් නුදුරේදීම කොට්ඨාස ඡන්ද ක්‍රමය යටතේ පවත්වන බව සමාජ සවිබල ගැන්වීමේ හා සුබසාධන අමාත්‍ය එස්.බි. දිසානායක මහතා පවසයි. ඒ සඳහා ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් පක්ෂ ප්‍රධානීන් එක්ව ඒකමතිකව තීරණය කළ බවත් ඒ සඳහා පාර්ලිමේන්තුවේ අනුමැතිය ලැබි ඇති බවද ඒ මහතා පවසයි.

මෙම ක්‍රමය යටතේ ඡන්දය පැවැත්වීම පිළිබඳව ඇතමුන් විරෝධය පළ කරන බවත් කොට්ඨාස ඡන්ද ක්‍රමය යටතේ අප තෙවන ස්ථානයට පත්ව පරාජය ලැබුවමුන් අනිවාර්යයෙන්ම කොට්ඨාස ඡන්ද ක්‍රමය මෙවර පළාත් පාලන මැතිවරණය වෙනුවෙන් භාවිත කරන බවද අමාත්‍යවරයා වැඩිදුරටත් පවසා සිටියි.