මහ වැව් සියල්ල සිඳී යන ලකුණු

මේ දිනවල රජරටට බලපා ඇති අධික නියඟය හේතුවෙන් එම ප්‍රදේශයේ ඇති වැව් සියල්ලගෙම පාහේ ජල ධාරිතාව ශීඝ්‍රයෙන් පහත වැටී තිබේ.

ඒ අනුව පොළොන්නරුව දිස්ත්‍රික්කයේ මින්නේරිය වැවේ ජල මට්ටම 29%ක්, කවුඩුල්ල වැවේ ජල මට්ටම 32.6%ක්, ගිරිතලේ වැවේ ජල මට්ටම 38.8%ක්, පාරාක්‍රම සමුද්‍රයේ ජල මට්ටම 49%ක් දක්වාද ජල මට්ටම පහත වැටී ඇත. මේ හේතුවෙන් පොළොන්නරුව දිස්ත්‍රික්කයේ පවුල් 25,000ක් පමණ උග්‍ර පානීය ජල හිඟයකට මුහුණ පා තිබේ.

අනියම් බිරිඳගේ බාලවයස්‌ දියණිය අඹුකමට අරන්

අනියම් බිරිඳගේ පහළොස්‌ හැවිරිදි බාලවයස්‌ දියණියට අතවර කළ පුද්ගලයා ලබන 26 වැනිදා දක්‌වා දින 13 ක්‌ අනුරාධපුර රිමාන්ඩ් බන්ධනාගාරයේ තබන ලෙස තඹුත්තේගම මහෙස්‌ත්‍රාත් අයි. එම්. එස්‌. බී. ඉලංගසිංහ මහතා 13 වැනිදා නියෝග කළේය.

දූෂණයට ලක්‌වූ දැරිය ඇගේ මිත්තණිය වෙත භාර දෙන ලෙසත් නියෝග කළේය. මෙලෙස රිමාන්ඩ් භාරයට පත් කළේ එප්පාවල ඉහළහල්මිල්ලෑව පදිංචි එස්‌. දසනායක 38 නමැත්තෙකුය. වයස අවුරුදු 34 ක්‌වූ කාන්තාවකගේ අනියම් පුරුෂයා කාන්තාව සමග අමනාප වී ඇගේ දියණිය සමගද අනියම් සම්බන්ධකම් පවත්වා පාසල් යමින් සිටියදී මෙම දියණිය සමඟ මෙම සැකකරු රහසිගතව කොළඹ ප්‍රදේශයට ගොස්‌ අඹු සැමියන් වශයෙන් ජීවත් වී තිබේ.

දරු මුණුපුරෝ 108යි අම්මට වයස 100යි

වර්තමානයේ වසර සියයක් හෝ ඊට වැඩි ගණනක් ජීවත් වන අය සිටීනම් ඒ අතළොස්සකි. ඈත අතීතයේ නම් එවන් වූ අය ගැන විශේෂත්වයක් නැත. ඒ දවස ජීවත්වූවෝ බොහෝ දෙනෙක් එම වයස් සීමාව ආසන්නයේ හෝ ඉක්මවා ජීවත් වූ නිසා වෙන්ටය.

වසර සියයක් ජීවත්වී‍ෙම් භාග්‍ය ලත් මවක් ඉකුත් 12දා සිය දරු මුනුපුරන්, මීමුනුපුරන් ඇතුළු දරු දැරියන් එකසිය අටදෙනෙකුගේ (108) ආශිර්වාදයෙන් සිය ඡන්ම දිනය සැමරීය.

ශේ‍ර්ෂ්ඨාධිකරණයෙන් නාමල්ට නියෝගයක්

පාර්ලිමේන්තු මන්ත්‍රි නාමල් රාජපක්ෂ මහතාට එරෙහිව අල්ලස් හෝ දූෂණ විමර්ශන කොමිසමට අපහාස කිරීම සම්බන්ධයෙන් චෝදනා ඉදිරිපත් කරන ලෙස ඊයේ ශේ‍ර්ෂ්ඨාධිකරණයෙන් කොමිසමට දැන්වීය. මන්ත්‍රිවරයාට එරෙහිව චෝදනා ගොනු කිරීම ඔක්තෝබර් 3 වැනි දිනට පෙර සිදු විය යුතු බවද ශේ‍ර්ෂ්ඨාධිකරණය පැවැසීය.

ආනයනික සීනි බද්ද ඉහළට

ආනයනික සීනි මත පනවා තිබූ විශේෂ වෙළෙඳ භාණ්ඩ බද්ද ඊයේ (15දා) මධ්‍යම රාත්‍රියේ සිට ඉහළ දැමීමට රජය තීරණය කර ඇත. ඒ අනුව සීනි කිලෝග්‍රෑම් එකක් සඳහා වන විශේෂ වෙළෙඳ භාණ්ඩ බද්ද රුපියල් 1.75කින් ඉහළ දැමීමට පියවර ගෙන තිබේ.

ආනයනික සීනි කිලෝග්‍රෑම් එකක් සඳහා මෙතෙක් පනවා තිබූ ශත විසිපහක බද්ද මේ අනුව රුපියල් 2/- දක්වා ඉහළ දැමෙනු ඇත.