බෑන් කී මූන් අද ලංකාවට

එක්සත් ජාතීන්ගේ සංවිධානයේ මහ‍ලේකම් බෑන් කී මූන් මහතා විශේෂ නිල සංචාරයක් සඳහා අද (31) දිවයිනට පැමිණීමට නියමිතය. ‍ලේකම්වරයා දිවයිනට පැමිණෙන ප්‍රථම වතාව මෙය වන අතර ශ්‍රී ලංකා රජයේ නිල ආරාධනයකට අනුව ඒ මහතා පැමිණෙන බව විදේශ කටයුතු අමාත්‍යාංශය නිවේදනය කරයි.

‍ලේකම්වරයා මෙම සංචාරය අතරතුර ජනාධිපති මෛත්‍රීපාල සිරිසේන, අග්‍රාමාත්‍ය රනිල් වික්‍රමසිංහ යන මහත්වරු සහ රජයේ නිලධාරීන් රැසක්ද හමුවීමට නියමිතය. අනතුරුව හෙට (01) ගාල්ලේ පැවැත්වෙන තරුණ සමුළුවකටද සහභාගි වීමට අපේක්ෂිතය.

සමුළුවට බැසිල්ට ආරාධනා නැතිලු

ලබන මස 4 වැනිදා කුරුණෑගලදී පැවැත්වෙන ශ්‍රී ලංකා නිදහස් පක්ෂයේ 65 වැනි සමුළුවට රාජපක්ෂ ආණ්ඩුවේ හිටපු ප්‍රබල ඇමැතිවරයකු වූ බැසිල් රාජපක්ෂ මහතාට ආරාධනා කර නැත. ඔහු ශ්‍රී ලංකා නිදහස් පක්ෂයේ හිටපු ජාතික සංවිධායකයි. පසුගිය මහ මැතිවරණයට ඔහු තරග නොකළ අතර 2010 මහ මැතිවරණයේදී ගම්පහ දිස්ත්‍රික්කයට ශ්‍රී ලපයෙන් තරග කොට ලක්ෂ හතරකට අධික මනාප ඡන්ද ප්‍රමාණයක් ලබා ගත්තේය.

ශ්‍රී ලනිප සමුළුවට සහභාගි වන්නේ නැද්දැයි රාජපක්ෂ මහතාගෙන් ඊයේ විමසූ විට කීවේ තමාට ආරාධනා පත්‍රයක් ලැබී නැති බවයි.

පෙම්වතිය පොල්වත්තකට එක්කන් ගිහින් කරපු දේ

නිමාවට පත්වූ අධ්‍යයන පොදු සහතික පත්‍ර උසස් පෙළ විභාගයට පෙනී සිටිමින් සිටි පාසල් සිසුවියකට පොල් වත්තක් තුළදී අපූරු පාඩමක් කියා දුන් බව කියන සැකකරුවකු අත්අඩංගුවට ගැනීම සඳහා විමර්ශන කටයුතු සිදු කරන බව දංකොටුව පොලිසිය කියයි.

මේ සම්බන්ධයෙන් සඳලංකාව හෙන්දිරික්කාමුල්ල ප්‍රදේශයේ තරුණයකු සොයා පරීක්ෂණ ආරම්භ කර තිබේ.

සැකකරු මෙම පාසල් සිසුවියගේ පෙම්වතා බව පැවැසේ. දෙදෙනා එකම ගමේ පදිංචිකරුවන් බවද පොලිසිය හෙළි කරගෙන ඇත.

අමුතු වැඩ උගන්නපු භික්ෂුව රිමාන්ඩ්

ඇල්පිටිය පොලිස් වසමට අයත් දිවිතුර ප්‍රදේශයේ ආරණ්‍යයක වැඩ සිටින කුඩා භික්ෂුන් වහන්සේ හතර නමකට හා එහි සිටින බාලවයස්කාර පිරිමි ළමයකුට බරපතළ ලිංගික අපයෝජනයක් කිරීමේ සිද්ධියක් සම්බන්ධයෙන් ඇල්පිටිය පොලිසිය විසින් අත්අඩංගුවට ගෙන ඇල්පිටිය මහෙස්ත්‍රාත් අධිකරණය වෙත ඉදිරිපත් කළ චීවරධාරියකු සැප්තැම්බර් 6 වැනිදා දක්වා රක්ෂිත බන්ධනාගාර ගත කරන ලෙස ඇල්පිටිය මහෙස්ත්‍රාත් අසංග බෝදරගම මහතා ඊයේ නියෝග කළේය.

එම ආරණ්‍යයේ විහාරාධිපති ලෙස වැඩසිටි මෙම චීවරධාරියා 27 හැවිරිදි අයෙකි. වයස අවුරුදු 16ට වඩා අඩු කුඩා සාමණේරයන් වහන්සේ හතර නමක් සහ අවුරුදු දහසයට අඩු පිරිමි ළමයකු මෙහි සිට ඇති අතර සැකකාර චීවරධාරියා මෙම පස්දෙනාටම වරින් වර ලිංගික අතවර කර ඇති බව පරීක්ෂණවලදී හෙළිවූ බව පොලිසිය අධිකරණයට දන්වා සිටියේය.

ලංකාව සතුව තිබු ලෝක වාර්තාව එංගලන්තයට

එංගලන්තය සහ පකිස්තානය අතර ඊයේ පැවති එක්දින තරගයේදී ශ්‍රී ලංකාව සතුව තිබු ලෝක වාර්තාවක් බිඳ දැමීමට එංගලන්ත කණ්ඩායම සමත් වුණා.

2006 වසරේදී ශ්‍රී ලංකා කණ්ඩායම නෙදර්ලන්තයට එරෙහිව පන්දු ඕවර 50 අවසානයේදී කඩුලු 9ක් දැවී ලකුණු 443ක් ලබා ගත්තා. එය තමා එක්දින තරගයකදී කණ්ඩායමක් ලබාගත් වැඩිම ලකුණු ප්‍රමාණය.