ගල්නෑව ප්රදේශයේ විහාරස්ථානයක හිමිනමක් මත් කොට අස්වාභාවික ලිංගික ක්රියාවලියකට පොලඹවා එම දර්ශන වීඩියෝගත කර කප්පම් වශයෙන් දස ලක්ෂ විසිපන්දහසක මුදලක් ලබාගත් බව කියන පුද්ගලයන් දෙදෙනකු පෙරේදා (24දා) ගල්නෑව පොලිසියෙන් අත්අඩංගුවට ගෙන තිබේ.
මීට මාසයකට පමණ පෙර හිමිනම පදිංචි විහාරස්ථානය වෙත පැමිණ ඇති පුද්ගලයන් දෙදෙනා හිමිනම මත්කොට අස්වාභාවික ලිංගික ක්රියාවලියකට පොලඹවා එය තවත් අයකුට වීඩියෝගත කිරීමට අවස්ථාව සලසා දී ඇත. පසුව එම වීඩියෝ දර්ශන ප්රසිද්ධ කරන බව පවසා ප්රථමයෙන් හිමිනමගෙන් ඔවුන් රුපියල් එක්ලක්ෂ විසිපන්දහසක මුදලක් ලබා ගෙන තිබේ. ඉන් අනතුරුව තවත් දෙවතාවකදී රුපියල් නව ලක්ෂයක් හිමි නමගෙන් ලබාගෙන ඇත.
