ජාතික ආණ්ඩුවේ පළමු සංවත්සරය අද

යහපාලන ජාතික රජයේ පළමු සංවත්සරය අදට (19) යෙදී තිබේ.

එහි සැමරුම් උත්සවය ජනාධිපති මෛත්‍රීපාල සිරිසේන මහතා සහ අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් පැවැත්වීමට නියමිතය.ඒ අනුව අද පස්වරුවේ මාතර සනත් ජයසූරිය ක්‍රීඩාංගණයේදී එය උත්සවාකාරයෙන් සැමරීමට සියලු කටයුතු සූදානම්කර ඇති බව වාර්තා වේ.

විජයදාසට විගණකාධිපති විරෝධය

සමස්ත රාජ්‍ය සේවයම යට කෙරෙන ඒකාධිපති විගණන කොමිසමක් පිහිටුවීමට යන බවට වැරැදි ආකල්පයක් ඇතිවන අන්දමෙන් අධිකරණ ඇමැති විජයදාස රාජපක්ෂ මහතා මාධ්‍යට කර ඇති ප්‍රකාශයට බලවත් කනගාටුව ප්‍රකාශ කරන නියෝජ්‍ය විගණකාධිපති ලලිත් අඹන්වල මහතා ඇමැතිවරයාගේ එම අදහස් ප්‍රතික්ෂේප කරයි.

විගණන කොමිෂන් සභාවේ කාර්ය සහ කාර්තව්‍ය පැහැදිලිවම ආණ්ඩුක්‍රම ව්‍යවස්ථාවේ දක්වා ඇතැයිද එම කොමිෂන් සභාව පත්කර ඇත්තේ විගණකාධිපති දෙපාර්තමේන්තුවේ මූල්‍ය හා පරිපාලන ස්වාධීනතාව වෙනුවෙන් යැයිද පිහිටුවීමට අපේක්ෂිත රාජ්‍ය සේවා විගණන සේවාවේ නිලධාරීන්ගේ පත්කිරීම්, මාරු කිරීම්, උසස් කිරීම් සහ විනය කටයුතු විගණන කොමිසමට එම පනතින් පැවැරෙන්නේ යැයිද ජාතික විගණන ආයතනයේ අය - වැය සම්බන්ධ පරීක්ෂා කර කතානායකවරයාට ඉදිරිපත් කිරීමේ කාර්යභාරයක් විගණන කොමිෂන් සභාවට පැවැරෙන්නේ යැයිද කීය.

ත්‍රිරෝද රියැදුරන් මත්කල හොරා මෙන්න

ත්‍රිරෝද රථවල නැඟී දුර ගමන් යන මුවාවෙන් ගොස් අතරමඟදී බීම වර්ග දී රියැදුරුන් මත් කොට රන් භාණ්ඩ හා මුදල් කොල්ලකෑමේ ජාවාරමක නිරත පුද්ගලයකු පිළිබඳ තොරතුරු හොරණ හා අවට පොලිස් වසම් ගණනාවකින් මේ වනවිට වාර්තා වෙමින් තිබේ.

අසල පෙදෙසකට යෑමට මෙන් මුලින්ම ත්‍රිරෝද රථවලට ගොඩවන මොහු ටිකක් දුර යෑමේදී පැමිණෙන දුරකතන ඇමතුමකට ප්‍රතිචාර ලෙස ගමන් මඟ වෙනස් කරමින් තරමක් දුර ගමන් කරන්නේ රියැදුරා වෙහෙසට පත්වන අයුරිනි. පසුව අසල වෙළෙඳසලක් ළඟ ත්‍රිරෝද රිය නවත්වා බීම හෝ තැඹිලි වැනි දෙයක් තමන්ද පානය කරමින් රියැදුරාටද ගෙන එයි. 

තේ සල්ලි ගත්තොත් මං ඇමැතිකමින් යනවා

සිලෝන් ටී වෙළෙඳ නාමය ලෝකය පුරා ප්‍රවර්ධනය සඳහා ශ්‍රී ලංකා තේ මණ්ඩලය සතුව තිබෙන රුපියල් මිලියන 60ක මුදල මහා භාණ්ඩාගාරයට පවරා ගැනීමට කටයුතු කරන බවත් තමා එසේ පවරා ගතහොත් අමාත්‍ය ධුරයෙන් ඉල්ලා අස්වන බවත් වැවිලි කර්මාන්ත අමාත්‍ය නවීන් දිසානායක මහතා පැවසීය.අමාත්‍යවරයා මෙම අදහස් පළ කළේ මිහිදුම්වැලි වැවිලි සමාගම මගින් ස්ථාපනය කරන ලද මිහිදුම්වැලි තේ සැකසුම් මධ්‍යස්ථානය ඊයේ (18) විවෘත කිරීමේ අවස්ථාවට සහභාගි වෙමිනි.

මෙහිදී අමාත්‍යවරයා ප්‍රකාශ කර සිටියේ මෙම ඩොලර් මිලියන 60 මුදල තේ අපනයනය කිරීමේදී අය කරන ලද සෙස් බදු මුදල් බවයි. 

විදේශගත සැමියා එද්දී බිරිද අතුරුදන් !

සිය සැමියා විදෙස්‌ගත රැකියාවට ගොස්‌ හරි හම්බකරගත් සියලු වස්‌තුව මදිවාට අහළ පහළ හිතවතුන් ඇපයට තබා බැංකු සහ මූල්‍ය ආයතන කිහිපයකින් ලක්‍ෂ ගණනක ණය ලබාගෙන අතුරුදන් වී සිටින කාන්තාවක පිළිබඳව හෙම්මාතගම අලුදෙණිය ප්‍රදේශයෙන් වාර්තා වේ.

දැනගන්නට ඇති අන්දමට එම සිද්ධිය මෙසේය. අලුදෙණිය ප්‍රදේශයේ අයෙකු විසින් සියඹලාණ්‌ඩුව මුතුකණ්‌ඩිය ප්‍රදේශයේ සිට කරකාර බැඳගෙන ආ තැනැත්තියක බව කියන මෙම කාන්තාව එක්‌දරු මවක බවට පත්වීමෙන් පසු පවුලේ අනාගතය සැපවත් කර ගැනීම අරමුණු කරගෙන සැමියා විදේශ රැකියාවකට ගොස්‌ ඇත.