අලියා මහ පාර මැද වැටී මිය යයි

අම්බලන්ගොඩ,කන්දෙගොඩ දුම්රිය ස්ථානය පිටුපස කුරුදුවත්ත පාරේ ගමන් කරමින් සිටි අවුරුදු 70 ක් පමණ වයසැති සද්දන්ත අලියෙකු අම්බලන්ගොඩ දෙසය රැගෙන යමින් සිටියදී පාර මැද ඇද වැටීමෙන් අවාසනාවන්ත ලෙස මිය ගියේය.

මේ අවස්ථාව දැක බලා ගැනීමට ප්‍රදේශවාසීන් රැස්ව සිටි අතර ක්ෂණිකව පැමිණි වන ජීවී නිළධාරීන් ද පරීක්ෂණ කටයුතු ආරම්භ කළේය.

අවි ගබඩා සංකීර්ණයක් ඔයාමඩුවට

ත්‍රිවිධ හමුදාවන්ට අයත් පුපුරන ද්‍රව්‍ය සහ වාණිජමය පුපුරන ද්‍රව්‍ය ගබඩා කිරීම සඳහා ජනගහනය අඩු ප්‍රදේශයක ගබඩා සංකීර්ණයක් ස්ථාපිත කිරීමට රජය තීරණය කර තිබේ.

උතුරු නැ‍ඟෙනහිර ප්‍රදේශයන්හි හමුදා මෙහෙයුම් පැවති කාල වකවානුව තුළ ක්‍රියාන්විත කටයුතු සදහා භාවිත කරන ලද පතරොම් හා වෙඩි ද්‍රව්‍ය විවිධ ස්ථානවල තාවකාලිකව ගබඩා කරන ලද අතර, ඒවා නිසි පරිදි ගබඩා කර තැබීම සඳහා ජාත්‍යන්තර ප්‍රමිතීන්ට අනුකූල ගබඩා සංකීර්ණයක් ජනගහනය අඩු ප්‍රදේශයක ඉදි කිරීමට 2011 වර්ෂයේදී අමාත්‍ය මණ්ඩල අනුමැතිය හිමි වී ඇත.

දරුවකු යොදා පක්ෂයට මඩ ගැසීම නින්දාවක්

පාද යාත්‍රාවට කුඩා දරුවකු යොදාගෙන මඩ ගැසීම, දරුවන් සුරකින, ආරක්ෂා කරන, ප්‍රධාන දේශපාලන පක්ෂයක් වන ශ්‍රී ලංකා නිදහස් පක්ෂයට සිදු කළ ඉමහත් නින්දාවක් සහ අපහාසයක් බව ඛණිජ තෙල් සම්පත් සංවර්ධන ඇමැති චන්දිම වීරක්කොඩි මහතා ප්‍රකාශ කළේය.

මෙහි දී කුඩා දරුවකු යොදා ගනිමින් පාද යාත්‍රාව අතරතුර දී ශ්‍රී ලංකා නිදහස් පක්ෂයට සහ පක්ෂ නායකත්වයට අපහාස වෙන අයුරින් කළ ප්‍රකාශයන් ඇතුළත් වීඩියෝ දර්ශන මාධ්‍ය වෙත ගෙන හැර දක්වමින් ඇමැතිවරයා එසේ සඳහන් කළේය. ඇමැතිවරයා එසේ සඳහන් කළේ කොළඹ මල් පාරේ පිහිටි ඛණිජ තෙල් සම්පත් සංවර්ධන අමාත්‍යාංශ ශ්‍රවණාගාරයේ දී ඊයේ(2)දා පැවැති විශේෂ මාධ්‍ය හමුවට එක් වෙමිනි.

දුෂ්යන්ත්ගෙ කාර් එකේ කෙල්ලෙක්

ගායකයෙක්, නර්තන ශිල්පියෙක් හා නිවේදකයෙක් වන දුෂ්යන්ත් වීරමන්ගේ වාහනයට ගොඩව සිටි රසිකාවියක් වාහනයෙන් ඉවත් කිරීම සදහා පොලීසියේ පිහිට පැතීමට ඔහුට සිදුව ඇතැයි වාර්තා වේ.

ඊයේ (01) සන්ධ්‍යාවේදී රූපවාහිනී වැඩසටහනක් නිමකර නිවස බලා යාමට තම වාහනය අසලට පැමිණෙද්දී ඔහු මෙම ඇබැද්දියට මුහුණ පා ඇතැයි පැවසේ.

මෛත්‍රී හිටපු ගෙදර මහින්දට

මහින්ද රාජපක්ෂ හිටපු ජනපතිවරයා විසින් මෛත්‍රීපාල සිරිසේන ජනාධිපතිවරයාගෙන් තමන්ට පදිංචි වීමට කොළඹ අවට නිවසක් ලබාදෙන මෙන් ඉල්ලීමක් කර ඇතැයි දේශපාලන ආරංචි මාර්ග පවසයි.

මෙහිදී හිටපු ජනපති මහින්ද රාජපක්ෂ මහතාගේ තේරීම වී ඇත්තේ ගෝඨාභය රාජපක්ෂ පදිංචි වී සිටි නිවස බව වාර්තා වේ. නමුත් දැනට එය රාජිත සේනාරත්න අමාත්‍යවරයාට ලබාදී ඇති බැවිත් එය ප්‍රතික්ෂේප වී ඇත.