නාමල් රාජපක්ෂ ඇතුළු මහජන නියෝජිතයින් 06 දෙනෙකු අත්අඩංගුවට

පාර්ලිමේන්තු මන්ත්‍රී නාමල් රාජපක්ෂ මහතා ඇතුළු මහජන නියෝජිතයින් 06 දෙනෙකු අත්අඩංගුවට ගෙන ඇතැයි පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර මහතා පවසයි.

ඒ, පසුගිය 06 වැනිදා අධිකරණ නියෝග නොතකමින් හම්බන්තොටදී විරෝධතාවක් සංවිධානය කිරිමේ චෝදනාවට අදාළවයි.

පාර්ලිමේන්තු මන්ත්‍රීවරුන් වන නාමල් රාජපක්ෂ, ඩී.වී. චානක, ප්‍රසන්න රණවීර යන මහත්වරුන්, බස්නාහිර පළාත් සභා මන්ත්‍රි උපාලි කොඩිකාර හා අජිත් ප්‍රසන්න යන මහත්වරුන්ට ප්‍රකාශයක් ලබාදීම සඳහා හම්බන්තොට පොලීසියට පැමිණෙන ලෙස දැනුම් දී තිබුණි.

ඒ, අනුව ඔවුන් අද රාත්‍රි 7.30ට පමණ පොලීසියට පැමිණි අතර, ප්‍රකාශ සටහන් කර ගැනීමෙන් අනතුරුව ඔවුන් අත්අඩංගුවට ගෙන තිබේ.පොලිස් මාධ්‍ය ප්‍රකාශකවරයා සඳහන් කළේ, ඔවුන් අධිකරණය ඉදිරිපත් කිරිමට නියමිත බව ය.