තමාට අද අධිකරණයට භාරවීමට හේතුව තම නීතිඥවරයා නඩු දිනය නිවැරදිව සටහන් කර නොගැනීම නිසා බව ශ්‍රී ලංකා කණ්ඩායමේ හිටපු සුපිරි ක්‍රීඩක තිලකරත්න ඩිල්ෂාන් පවසනවා.ඩිල්ෂාන් අද නීතීඥයෙකු මගින් මෝසමක් ඉදිරිපත් කර අධිකරණයට භාර වුණා.
කොළඹ මහෙස්ත්‍රාත් අධිකරණය හමුවේ කැඳවන නඩත්තු නඩුවකට පෙනි නොසිටිම හේතුවෙනුයි මහෙස්ත්‍රාත්වරයා වගඋත්තරකාර ක්‍රිකට් ක්‍රිඩක තිලකරත්න ඩිල්ෂාන්ට ඊයේ වරෙන්තු නිකුත් කරනු ලැබුවේ.
කෙසේ වෙතත් නඩුවට පෙනී නොසිටීමට හේතුව තමන්ගේ නීතිඥවරයා අතින් වූ සුළු අතපසුවීමක් බවත් අධිකරණයට ගරු කරමින් නීතිඥවරයා විසින් එය පැහැදිලි කළ බවත් එහිදි තමන්ට නිකුත් කළ නියෝගය අහෝසි කර නැවත ඊළඟ නඩු දිනයට උසාවියේ පෙනී සිටින ලෙසත් අධිකරණය පැවසූ බවයි ඩිල්ෂාන් සඳහන් කළේ.
මේ සම්බන්ධයෙන් වැඩි දුරටත් අදහස් දැක්වූ දිල්ෂාන් පැවසුවේ තමා පළමු කසාදයෙන් නිත්‍යානුකූලව වෙන් වනු ලැබුවේ අදාළ කාන්තාවට ලක්ෂ 300 ක මුදලක් ලබාදීමෙන් බවත් මිට අමතරව දරුවා වෙනුවෙන් 40,000 මුදලක් ලබා දෙන බවයි.
කෙසේ වෙතත් අදාළ කාන්තාව ඉල්ලන පරිදි තමා මහන්සියෙන් ඉපැයූ මුදල් නිකරුනේ දිය නොහැකි බවත් දිල්ෂාන් සඳහන් කළා.