ජනපතිට සහ අගමැතිට සිතාසි

ජනාධිපති මෛත‍්‍රීපාල සිරිසේන මහතාට සහ අග‍්‍රාමාත්‍ය රනිල් වික‍්‍රමසිංහ මහතාට මාර්තු මස 20වනදා අධිකරණය හමුවේ පෙනී සිටින්නැයි කොළඹ මහාධිකරණය අද (05) සිතාසි නිකුත් කළා.

ඒ කූට ලේඛන සකස් කිරීමේ චෝදනා යටතේ හිටපු පාර්ලිමේන්තු මන්ත‍්‍රී තිස්ස අත්තනායකට එරෙහි නඩුවේ සාක්ෂි ලබා දීම සම්බන්ධයෙනුයි.

පූජිත්ගෙ ‘සර්’ ගැන සියලු තොරතුරු මෛත්‍රි අතට

පොලිස්පති පූජිත් ජයසුන්දර මහතා රත්නපුර ප්‍රදේශයේ පැවැති රැස්වීමකට සහභාගි වෙමින් සිටියදී කළ දුරකතන සංවාදයේදී පොලිස්පති ඇමැතු සර් ගැන තොරතුරු ජනාධිපතිවරයා වෙත ලැබී ඇතැයි ජනාධිපති කාර්යාලයට සම්බන්ධ ආරංචි මාර්ගවලින් පැවැසේ.

එම ආරංචි මාර්ගවලට අනුව මේ 'සර්' පසුගිය ආණ්ඩුවේ මතභේදාත්මක තත්ත්වයන්ට ඇඟිල්ල දිගු වූ ප්‍රබල ලේකම්වරුන් මෙන්ම ප්‍රබල දේශපාලනඥයන් කීපදෙනකුට රහසේ උදවු කළ අයකු බවද පැවැසේ.

උදාරි අංගම්පොර වැඩමුළුවක

ජනප්‍රිය නිළියක වන උදාරි වර්ණකුලසූරියගේ ප්‍රධානත්වයෙන් පසුගියදා අංගම්පොර ස්වයං ආරක්ෂාවට යොදා ගන්නා ආකාරය දැනුවත් කිරීමේ වැඩමුළුවක් පවත්වනු ලැබීය.

අජන්ත මහන්තආරච්චි මේ වැඩමුළුවේ උපදේශකයා ලෙස කටයුතු කළේය.එහි ජායාරූප කිහිපයක් පහත දැක්වේ.

තිස්ස අත්තනායකට ඇප

කූට ලේඛණ සකස්කිරීමේ චෝදනා යටතේ අත්අඩංගුවට ගෙන රක්ෂිත බන්ධනාගාර ගත කර සිටි එක්සත් ජාතික පක්ෂයේ හිටපු මහ ලේකම් මෙන්ම, හිටපු සෞඛ්‍ය අමාත්‍ය තිස්ස අත්තනායක මහතා කොළඹ මහාධිකරණය විසින් ඇප නියම කරනු ලැබීය. 


රුපියල් 25000ක මුදල් ඇපයක් හා රුපියල් ලක්ෂ පහ බැගින් වන ශරීර ඇප දෙකක් මත ඔහු නිදහස් කරනු ලැබීය.

නවසීලන්ත අග්‍රාමාත්‍ය ඉල්ලා අස්වෙයි

නවසීලන්ත අග්‍රාමාත්‍ය ජෝන් කී සිය ධුරයෙන් ඉල්ලා අස්වී තිබෙනවා. වසර 8ක් නවසීලන්ත අග්‍රාමාත්‍ය ධුරය හෙබවූ ඔහු සිය ධුරයෙන් ඉල්ලා අස්වන බව මාධ්‍ය සාකච්ඡාවක් පවත්වමින් ප්‍රකාශ කළා. 

නියෝජ්‍ය අග්‍රාමාත්‍යවරයා ලෙස කටයුතු කළ බිල් ඉන්ග්ලිෂ් තාවකාලිකව අග්‍රාමාත්‍ය ධුරයේ වැඩකටයුතු කිරීම සදහා යෝජනා කර තිබෙනවා. ජෝන් කී ඉල්ලා අස්වීමට හේතුව ඔහු පැහැදිලි කර නැහැ. කෙසේ වෙතත් ඔහුගේ මෙම හදිසි ඉල්ලා අස්වීම නවසීලන්ත පාර්ලිමේන්තුව උණුසුම් කරනු ඇතැයි දේශපාලන විචාරකයින් පවසනවා.