දුම්වැටියක මිල රුපියල් 7කින් ඉහලට

දුම්වැටියක මිල ඊයේ මධ්‍යම රාත්‍රියේ සිට එය ක්‍රියාත්මක වන පරිදි රුපියල් 07කින් ඉහළ දමා ඇති බව මුදල් අමාත්‍ය රවී කරුණානායක පවසයි.

මුදල් අමාත්‍යංශයේදී පැවැති මාධ්‍ය හමුවකට එක්වෙමින් අමාත්‍යවරයා ‍මේ බව පැවසීය.

මේ අතර සං‍ශෝධිත වැට් බදු කෙටුම්පත ද පාර්ලිමේන්තුවට අද ඉදිරිපත් කරන බව අමාත්‍යවරයා එම හමුවේදී කියා සිටියේය.

මිහින් ලංකා ගමන නවතියි

ඔක්තෝබර් 30 දා සිට ක්‍රියාත්මක වන පරිදි මිහින් ලංකා සමාගමේ සියළුම ගුවන් ගමන් නවතිනු ඇති බව එම සමාගම කියයි.

ඉන්පසුව එම සියලු ගුවන් ගමන් වල මෙහෙයුම් ශ්‍රී ලංකන් ගුවන් සමාගම විසින් සිදුකිරීමට නියමිත බව ද මිහින් ලංකා වැඩිදුරටත් පවසයි.

මේ අනුව, මිහින් ලංකා ගුවන් සමාගම ලබන 30 වන දා සිට ශ්‍රී ලංකා ගුවන් සමාගම යටතට පවරා ගන්නා බව ශ්‍රී ලංකන් හි මාධ්‍ය ප්‍රකාශක - දීපාල් පෙරේරා මහතා පවසා තිබේ.

ක්‍රීඩක සචිත්‍රගෙන් ගීතයක් (වීඩියෝ)

ශ්‍රී ලංකා ක්‍රිකට් කණ්ඩායමේ සිටින තුන් ඉරියව් ක්‍රීඩක සචිත්‍ර සේනානායක විසින් සිය නවතම ගීතය එළි දක්වා තිබෙනවා.

‘රුහිරු බිඳු කිරි රසට හරවා’ යනුවෙන් මව්ගුණ ගීතයක් මෙසේ සචිත්‍ර විසින් ගායනා කර තිබෙන අතර එය ඔහුගේ නිල ෆේස්බුක් පිටුවටද ඇතුළත් කර තිබෙනවා.

සිංහල හොඳින් කථාකරන පින්ලන්ත යුවතිය

සුදු ජාතික කාන්තාවක් ඉතා චතුර ලෙස සිංහල භාෂාව කතා කරන අයුරු දැක්වෙන වීඩියෝවක් මේ වන විට අන්තර්ජාලයේ හුවමාරු වනවා.

එම වීඩියෝව දැක්වෙන ආකාරයට මෙම කාන්තාව පිංලන්ත ජාතිකයෙක්.

එහිදී ඇය සිංහල ජාතික කාන්තාවන් දෙදෙනෙකු සමග සිංහල භාෂාවෙන් සංවාදයේ යෙදෙනෙ අයුරුයි මෙම වීඩියෝවේ දැක්වෙන්නේ.

විග්නේශ්වරන් ජාතිවාදියෙක් නොවේ

උතුරු පළාතේ මහ ඇමැති සී. වී. විග්නේශ්වරන් ජාතිවාදියකු යැයි තමා විශ්වාස නොකරන බවත් දෙමළ දේශපාලන සිරකරුවන් නිදහස් කිරීමට තමන්ගේ විරුද්ධත්වයක් නොමැති බවත් හිටපු ජනාධිපති කුරුණෑගල දිස්ත්‍රික් පාර්ලිමේන්තු මන්ත්‍රී මහින්ද රාජපක්ෂ මහතා පවසයි.

ඒ මහතා මේ බැව් කියා සිටියේ ඊයේ (03) දෙමළ ජනමාධ්‍යවේදීන් හා පැවති මාධ්‍ය හමුවකට එක්වෙමිනි.