හෝමාගම අධිකරණ ශාලාවේ නඩු විභාග වෙමින් තිබියදී අධිකරණ ශාලාව තුළ ශබ්ද නඟා කථා කරමින් කලහකාරී ලෙස හැසිරීමෙන් අධිකරණයට අපහාසයක් ඇති කර ඇති බවට බොදු බල සේනා සංවිධානයේ මහලේකම් ගලගොඩඅත්තේ ඥානසාර හිමියන්ට එරෙහිව ඇති සංශෝධිත චෝදනා පත්රය ලබන ඔක්තෝබර් මස 13 වැනිදා හෝ ඊට පෙර ඉදිරිපත් කරන ලෙස අභියාචනාධිකරණය ඊයේ (27) නීතිපතිවරයාට දැනුම් දුන්නේය.
අදාළ සිද්ධිය මඟින් සිදු කර ඇති බව කියන අපහාස චෝදනා අවශ්ය නම් වෙන් වෙන්ව සවිස්තරව ඉදිරිපත් කර ගොනු කිරීමට කටයුතු කරන ලෙස දැනුම් දෙන ලදී. අදාළ පැමිණිල්ල ඊයේ (27) කැඳවූ අවස්ථාවේදී නීතිඥවරු ඉදිරිපත් කළ කරුණු සලකා බැලූ අධිකරණය මෙම දැනුම්දීම කෙළේය.
