13 කෙල්ලට ලිංගික අතවර

දහතුන් හැවිරිදි තම පෙම්වතියට ලිංගික අතවර කිරීමේ සිද්ධියක් සම්බන්ධයෙන් 'රන් මහත්තයා' නමින් හඳුන්වන විසි හැවිරිදි තරුණයකු අත්අඩංගුවට ගැනීමට බුත්තල පොලිසිය පරීක්‍ෂණ ආරම්භ කර ඇත.

පාසල් ශිෂ්‍යාවක වන ඇය රාත්‍රි කාලයේදී මවුපියන් නින්දට ගිය පසු නිවෙසින් එළියට විත් පෙම්වතා සමඟ අවස්ථා කීපයකදී අඹු සැමියන් ලෙස හැසිරී තිබේ.එසේ නිවෙසින් පිටත පෙම්වතා සමඟ සිටිනු අයුරු දැරියගේ මව දැක සිද්ධිය පිළිබඳව බුත්තල පොලිසියට පැමිණිලි කර තිබේ.

එජාපයට 70 පිරෙයි

එක්සත් ජාතික පක්ෂයට අදට වසර 70ක් සපිරෙයි. නිදහස් ශ්‍රී ලංකාවේ ප්‍රථම අග්‍රාමාත්‍ය ඩී.එස්. සේනානායක මහතාගේ නායකත්වයෙන් මෙරට සිංහල, දෙමළ, මුස්ලිම්, මැලේ, බර්ගර්, ඇතුළු සියලු ජාතීන්ගේ සහභාගිත්වයෙන් මෙරට දැවැන්ත පක්ෂයක් ලෙස එක්සත් ජාතික පක්ෂය බිහිවූයේ 1946 සැප්තැම්බර් මස 6දාය.

එජාප 70 වැනි සංවත්සරය නිමිත්තෙන් පිටකෝට්ටේ සිරිකොත එජාප මූලස්ථානයේ පරිත්‍රාණ ධර්ම දේශනාවක්ද ඊයේ (5දා) දහවල 70 නමක් මහා සංඝරත්නය විෂයයෙහි සපිරිකර සංඝගත දක්ෂිණාවක් එජාප නායක අග්‍රාමාත්‍ය රනිල් වික්‍රමසිංහ මහතාගේ මෙහෙයවීමෙන් පිරිනමනු ලැබීය.

නරකම ගුවන්තොටුපොළ 10 අතරට කටුනායකත්

ආසියානු රටවල් අතර ඉතා දුර්වල ගුවන් තොටුපොළ අතරින් දසවැනි ස්ථානයට පත්ව තිබෙන්නේ කටුනායක අන්තර්ජාතික ගුවන්තොටුපොළයි.

මේ බව වාර්තා කරන්නේ විදෙස් වෙබ් අඩවියක් කළ සමීක්ෂණයකිනි. එම වෙබ් අඩවිය වාර්තා කරන අන්දමට ආසියාවේ දුර්වලම ගුවන් තොටුපොළ ලෙස දක්වා තිබෙන්නේ නේපාලයේ කත්මණ්ඩු ත්‍රිබුවාන් අන්තර් ජාතික ගුවන් තොටුපොළය. දෙවැනි ස්ථානයේ පසුවන්නේ උස්බෙකිස්තානයේ ටෂ්කන්ට් අන්තර්ජාතික ගුවන් තොටුපොළයි.

අවුරුදු 7ක දරුවෙකුට අමානුෂික ප්‍රහාරයක්

සිය කුඩම්මා විසින් උණු වතුරෙන් පිළිස්සු බව කියන මස්කෙළිය ප්‍රදේශයේ වතු නිවාස පෙළක ජීවත්වු කුඩා පිරිමි දරුවකු ප්‍රතිකාර සඳහා මස්කෙළිය රෝහලට ඇතුලත් කර තිබේ.

මෙම දරුවාගේ මුහුණ සහ දෙඅත් දැඩි ලෙස පිළිස්සී ඇත.

T20 සංචිතය නම් කරයි

ශ්‍රී ලංකා කණ්ඩායම හා ඔස්ට්‍රේලියා විස්සයි 20 තරගාවලියට සඳහා ශ්‍රී ලංකා සංචිතය නම් කර තිබේ.

ඒ අනුව කුසල් ජනිත්, තිලකරත්න ඩිල්ෂාන්, දිනේෂ් චන්දිමාල් (නායක), ධනංජයද සිල්වා, චාමර කපුගෙදර, මිලින්ද සිරිවර්ධන, කුසල් මෙන්ඩිස්, සීක්කුගේ ප්‍රසන්න, සචිත්‍ර සේනානායක, සුරංග ලක්මාල්. තිසර පෙරේරා, සචිත් පතිරණ, කසුන් රජිත, දසුන් ශානක තරගාවලියට ඇතුලත් ක්‍රීඩකයන්ය.