ඩිලන්තට දෙවැනි තැන

තායිලන්තයේ පැවැති ලැම්බෝගිනි සුපර් ට්‍රොෆියෝ තරගයේදි දෙවැනිස්ථානය හිමිකර ගැනිමට තම කණ්ඩායමට හැකිවූ බව ඩිලන්ත මාලගමුව සඳහන් කරනවා. ශ්‍රී ලංකා කොඩිය යටතේ ජාත්‍යන්තර තරග බිමට එක්වෙන ඩිලන්තගේ ඩිලන්ගෝ රේසින් කණ්ඩායමට ඊයේ දිනයේදී තෙවැනි ස්ථානයත්, අද දිනයේදී පළමු ස්ථානයත් හිමිව තිබේ.

කෙසේ වෙතත් අද තරගය ආරම්භ කිරිමට මත්තෙන් ඔහුට ආහාර විෂවීමක් හේතුවෙන් රෝහල්ගත වීමටත් සිදුව තිබේ. තරගය ආරම්භ වීමට පැයකට මත්තෙන් ඔහු රෝහලෙන් පිටතට පැමිණ ඇත.

සාමාන්‍ය පෙළ සිසුවියක් දුම්රියට පනී - Video

අම්බලන්ගොඩ - කරිත්තකන්ද ප්‍රදේශයේදී සාමාන්‍ය පෙළ සිසුවියක් ඊයේ (23) උදැසන දුම්රියට පැන දිවි නසාගෙන තිබෙනවා.

ගාල්ලේ සිට රඹුක්කන බලා ධාවනය වූ දුම්රියට පැන මෙලෙස දිවි නසාගත් සිසුවිය අම්බලන්ගොඩ ගාමිණී මහා විද්‍යාලයේ ඉගෙනුම ලබන බව සඳහන්.

කෙසේ වෙතත්, මිය ගිය සිසුවියගේ සහෝදරයා පවසන්නේ තම සහෝදරිය සහ තරුණයෙකු අතර දුම්රිය මාර්ගය අසල බහින්බස්වීමක් සිදුව ඇති බවයි. පසුව ඔහු ඇය දුම්රියට තල්ලූ කර ඇතැයි එම සහෝදරයා සඳහන් කළා.

දියවැඩියාව නිට්‌ටාවට සුව කරගනිමු

වසර 300 කට වඩා පැරැණි නවගමුවේ පාරම්පරික සිංහල වෙද පරපුරේ වෙද මාතාවක්‌ වූ තලංගම හෙලේනා පෙරේරා මහත්මියගේ මිනිබිරිය වන චාන්දනී වික්‍රමාරච්චි මහත්මිය සර්වාංග රෝග සඳහා මෙන්ම දියවැඩියාව, පිළිකාව, ඇදුම සහ හතිය, අංශභාගය, ආතරයිටිස්‌ යන රෝග සඳහා 100% ක දේශීය වූ ප්‍රතිකාරයක්‌ හඳුන්වා දී ඇති වෛද්‍යවරියකි. විවිධ රෝගවලට ගෙදරදී ප්‍රතිකාර කර ගැනීම සඳහා ඉතා අඩු මුදලක්‌ වැය වන, ගෙදරදීම සාදා ගත හැකි ශාඛසාරමය ඖෂධ හඳුන්වාදීම මේ තීරය ඔස්‌සේ ඇය සිදු කරන්නීය.

බුධ සිංහ රාශියට - ලග්න පලාපල

ග්‍රහ ලොව කුඩාම ග්‍රහයා බුධයි. හිරුට ඉතාම සමීපයෙන් ගමන් කරයි. බුධගේ ගතිගුණ කුඩා දරුවකුට සමානයි. සිරිත් විරිත් ගතිගුණ බුධට සංයෝගවූ අනෙක්‌ ග්‍රහයන්ගේ ගතිගුණ ගනී . බුධ කොයි කාටත් එක සමාන සේවයක්‌ සලසයි. ඉගෙනීමට බුධ දක්‌ෂයි. මතක ශක්‌තිය හොඳින් පවතී. ගණිත මිණිත විෂයයන්ට බුධ දක්‌ෂ වන්නේ උච්ච බලයෙන් හෝ ස්‌වක්‍ෂේත්‍ර බලයෙන් සිටි විටය.

බුධට කන්‍යා රාශියේ දී උච්ච බලයත් ස්‌වක්‍ෂේත්‍ර බලයත් ලැබේ. මිථුනයට ස්‌වක්‍ෂේත්‍රයි. බුධ මිත්‍ර වන්නේ වෘෂභ, තුලා, මකර, කුම්භ යන රාශිවලටයි. සතුරු රාශි කටක, සිංහ රාශි වෙයි. මීනයට නීච වෙයි.

මඟීන් 25%කට බස් එපා වෙයි !

බස් රථවල ගමන් ගන්නා මඟීන් ප්‍රමාණය 25%කින් අඩු වී ඇතැයි උපාය මාර්ගික ව්‍යවසාය කළමනාකරණ ආයතනයේ සභාපති අශෝක අභයගුණවර්ධන මහතා පැවසීය.

2008 වසරේදී මුළු මඟීන් ප්‍රමාණයෙන් 65%ක් බස් මඟීන් වුවත්, 2016 වන විට ඒ ප්‍රතිශතය 40%ක් දක්වා අඩු වී ඇතැයිද පෙන්වා දුන් සභාපතිවරයා බස් රථවල ගුණාත්මක බව පිරිහීම හා පෞද්ගලික බස් රථ අතර මඟ බොහෝ වේලා නවතාගෙන සිටීම නිසා මඟීන් මෙසේ බස්රථවලින් ගමන් කිරීමෙන් ඉවත්ව, පෞද්ගලික වාහන කෙරෙහි ඇදී ගොස් ඇතැයි කීය.