දෙහිවල සතුන් වත්තේ දී ව්‍යාඝ්‍ර පැටවෙක් උපදී

දෙහිවල ජාතික සත්ත්වෝද්‍යානයේ දී බෙංගාලි ව්‍යාඝ්‍ර පැටවෙක් උපත ලබයි.

ලෝකයේ ඉතාම අලංකාර ක්ෂීරපායී සත්ත්වයෙකු ලෙස සැලකෙන මෙම සත්ත්වයා දැඩි ලෙස වඳ වීයාමේ තර්ජනයට ලක්ව ඇති රතු දත්ත පොතට ඇතුළත් සත්ත්ව විශේෂයකි.

මීට සති දෙකකට පෙර උපත ලැබූ මෙම පැටවා මේ වන විට හොඳ සුවයෙන් පසුවන බවත් එම පැටවා මවගෙන් කිරි උරා බොමින් සිටින බවත් දෙහිවල ජාතික සත්ත්වෝද්‍යානයේ වැඩබලන අධ්‍යක්ෂ ජනරාල් ධම්මිකා මල්සිංහ මහත්මිය පවසයි.

ආගමන විගමන හිටපු පාලකට ලක්ෂ 66ක දඩ

වසරක් ඇතුළත සිය වැටුපෙන් හා ඉපැයීම්වලින් උපයාගත නොහැකි රුපියල් ලක්ෂ දෙකක මුදල් හා රුපියල් ලක්ෂ විස්සක නිවෙසක හිමිකාරීත්වය දැරූ බවට අල්ලස් පනතේ දූෂණය නමැති චෝදනාවට වරදකරු කළ ආගමන හා විගමන දෙපාර්තමේන්තුවේ හිටපු ප්‍රධාන පාලක ජයසිංහ ආරච්චිගේ ආරියසේන නමැත්තාගෙන් ඔහු හිමිකාරීත්වය දැරූ දේපළවල වටිනාකමින් තුන් ගුණයක් එනම් රුපියල් ලක්ෂ 66ක් දණ්ඩනයක් ලෙස අය කර ගැනීමට කොළඹ මහාධිකරණ විනිසුරු කුසලා සරෝජනී වීරවර්ධන මහත්මිය ඊයේ (22) නියෝග කළාය.

පාගමන් ගියොත් බලාගත්තැහැකි

ශ්‍රී ලංකා නිදහස්‌ පක්‍ෂයේ අනුමැතියකින් තොරව පක්‍ෂයේ නම භාවිත කරමින් පා ගමන් පැවැත්වීම නීති විරෝධී බවත්, එවැනි පා ගමනකට සහභාගි වන පක්‍ෂ සාමාජිකයන්ට ඉදිරියේදී සිදුවන දේ බලාගත හැකි වනු ඇති බවත් එම පක්‍ෂයේ මහ ලේකම් කෘෂිකර්ම ඇමැති දුමින්ද දිසානායක මහතා පැවසීය.

අනුරාධපුර තිරප්පනේ පතිරාජගම නිවාස පනහ ගම්මානයේ පානීය ජල ව්‍යාපෘතිය ජනතා අයිතියට පත් කිරීමේ උත්සවයෙන් පසු මාධ්‍යවේදිනී නැඟූ ප්‍රශ්නවලට පිළිතුරු දෙමින් අමාත්‍යවරයා මේ බව ප්‍රකාශ කළේය.

විද්‍යා අමරපාල සඳුදා සිට යළි වැඩ

පැනමා පත්‍රිකා සම්බන්ධයෙන් පොලිස්‌ මූල්‍ය අපරාධ කොට්‌ඨාසය කළ පරීක්‍ෂණයේදී මහා නගර හා බස්‌නාහිර සංවර්ධන (මෙගා පොලිස්‌) අමාත්‍යාංශයේ උපදේශක ලෙස කටයුතු කළ විද්‍යා අමරපාල මහතා කිසිදු මූල්‍ය වංචාවකට සම්බන්ධ නැති බව අනාවරණය කරගෙන ඇත.

ඒ අනුව විෂයභාර ඇමැතිවරයාගේ නියෝග මත පරීක්‍ෂණ නිමවන තෙක්‌ අමාත්‍යාංශ උපදේශක තනතුරින් ඉල්ලා අස්‌වූ ඒ මහතා, ලබන සඳුදා (25 වැනිදා) සිය සුපුරුදු තනතුරේ රාජකාරි ආරම්භ කිරීමට නියමිතය.

වාස්‌ට කැපිල්ලක්‌?

ශ්‍රී ලංකා කණ්‌ඩායමේ වේග පන්දු පුහුණුකරුවා ලෙස චමින්ද වාස්‌ව පත්කර ගැනීමට කණ්‌ඩායමේ ජ්‍යෙෂ්ඨ ක්‍රීඩකයන් දෙතුන් දෙනකු මැළි කමක්‌ දැක්‌වීම හේතුවෙන් මේ වන තෙක්‌ අදාළ තනතුර වෙනුවෙන් චමින්ද වාස්‌ සමග ශ්‍රී ලංකා ක්‍රිකට්‌ ආයතනය කිසිදු සාකච්ඡාවක්‌ සිදු කර නොමැති බව වාර්තා වේ.