එවැනි යෝජනාවක්‌ කැබිනට්‌ මණ්‌ඩලයට ඉදිරිපත් වුවහොත් ඊට කිසි ලෙසකින්වත් එකඟ නොවන බව ද කී ඇමැතිවරයා එවැනි වීසා පහසුකම් ලබාදීමට ගියහොත් රටේ ආරක්‌ෂාවට මෙන්ම විශාල ප්‍රශ්න ඇතිවනු ඇතැයි ද කියා සිටියේය.
ඩොලර් ලක්‌ෂ තුනක්‌ යනු ඉතාම කුඩා මුදලක්‌ බවත් එවැනි මුදලකින් කොළඹින් මිලදී ගත හැකි වනුයේ පර්චස්‌ දෙකක්‌ වැනි ඉඩමක්‌ බව ද හෙතෙම සඳහන් කළේය.
එවැනි මිලකට වීසා ලබාදීම තුළින් දේශීය සුළු ව්‍යාපාරිකයන්ට විශාල ගැටලුවක්‌ ඇතිවන බවත් එවැනි යෝජනාවක්‌ විහිළුවට හේතුවන කාරණයක්‌ බවත් ඒ මහතා පැවසීය.
එවැනි යෝජනාවක්‌ මෙතෙක්‌ කැබිනට්‌ මණ්‌ඩලයට ඉදිරිපත්ව නැතැයි ද එවැන්නක්‌ ඉදිරිපත් වුවහොත් කැබිනට්‌ මණ්‌ඩලයේදී එය පරාජය කරන බවත් ඔහු පැවසීය.
මුදල් ඇමැතිවරයා විසින් පෙරේදා (12 දා) කරන ලද ප්‍රකාශයක්‌ සම්බන්ධව කළ විමසීමකදී ඔහු මේ බව කියා සිටියේය.