මේ දවස්වල ෆේස් බුක් එක පුරා ජනප්‍රිය වෙලා යන වීඩියෝවක් තියෙනවා. ඒකට ෆේස් බුක් ලෝලීන් විසින්ම නමක් දාල තියෙනවා “බැංකු අක්කාගේ වීඩියෝව“ කියලා.මේ වීඩියෝව ඉතා වේගයෙන් හුවමාරු වෙමින් තියෙනවා. මේ විඩියෝව බලන ලංකාවේ ගොඩාක් අය ඒ නම තියෙන බැංකුවක් දිහා බලන්නෙත් නිකං අමුතු විදිහට.
ඒ බැංකුවක වැඩකරන Staff එක දිහා බලන්නෙත් වෙනස් විදිහට.ඇයි මෙහෙම වෙලා තියෙන්නේ . ලෝකේ මානව සමාජය නිර්මාණය වෙන්නත් කලින්, භාෂාව නිර්මාණය වෙන්නත් කලින් බිහිවුන ලිංගිකත්වය අද අපිට මාර මැජික් එකක් වෙන්නේ කොහොමද?
බැංකුවක වැඩකිරීම යනු කෙලෙසුන් නැසූ රැකියාවක්ද?ඔවුන්ට ආශාවන් නැතිද? මෙවැනි දේ සිදුවන්නේ බැංකු වල විතරද? ලංකාවේ අනිත් ආයතන සියල්ල තුල සිටින්නේ හැඟීම් දැනීම් නැති පිරිසක්ද? මේ ආදී ගැටලු ගණනාවක් මේ පිළිබඳව මතුවෙයි.මේ වීඩියෝවට ලැබෙන ප්‍රතිචාර වලින් පෙනී යන්නේ ලංකාවේ වනචාරී ගෝත්‍රික සමාජයට තවමත් SEX මැජික් එකක් වීමයි. තවමත් SEX යනු රාත්‍රියට පමණක් ඇඳ ඇතිරිල්ල තුළ තමන්ගේ නීත්‍යානුකූල ස්වාමි පුරුෂයා හෝ භාර්යාව සමඟ කරන සාම්ප්‍රදායික සිරිතක් පමණක් වීමයි.
අද ලාංකිකයාගේ ජීවන රටාව බටහිරකරණය වී ඇති බව අප දනිමු. ඇඳුම් පැලඳුම්, කෑම බීම, සුවඳ විලවුන් ගෘහ භාණ්ඩ සහ පරිහරණය කරන භාණ්ඩ පමණක් නොව යට ඇඳුම් පවා තෝරාගන්නේ බටහිර රටවල ජනප්‍රිය වෙළඳ නාමයන් වලින්. නමුත් හිත් වලින් බටහිර වෙන්න ඒ කියන්නේ අනිකාගේ ලිංගික නිදහසට ගරු කරන්න අපි තවමත් පුරුදු වෙලා නෑ. මෙහේ අය levis jeans ඇඳලා Calvin Klein හරි Victoria secret Underwear ඇන්දට ඊට යටින් තියෙන ලාංකික අමුඩය ගලවන්න අමතක වෙලා . මෙයාල හිත් ඇතුළෙන් තවමත් ඉන්නේ ගල් යුගයේ. ඇයි එළියෙන් මොකක් ඇන්දත් උන්ගේ හිත් ඇතුලේ තවම ලිංගිකවත්වය ගැන තියෙන්නේ පට්ට කුහක බවක්.
දැන් මේ බැංකු අක්කාගේ වීඩියෝව අරං බලලා ඒකට ගරහන දැහැමි ලාංකිකයින් කී දෙනෙක් ඒ වීඩියෝව නරඹා ස්වයං වින්දනය කළේ දැයි දන්නේ නැත. ඔවුන් ඒ බව ප්‍රසිද්ධියේ කීමටද සූදානම් නැත. මෙම වීඩියෝවට ගරහන එය Share කරමින් ආතල් ගන්නා පිරිමින්ට එම වීඩියෝවේ දැක්වෙන ආකාරයේ අවස්ථාවක් ලැබුනොත් එම අවස්ථාව මඟහැර යයි ද? එසේ කරන්නේද නැත. ඒ අනුව බැලූවිට මෙම වීඩියෝව Share කිරීම යනු තමන්ට නොලැබුනු සැපක් වෙනකෙක් ලැබීම සම්බන්ධයෙන් කුහක කම ප්‍රදර්ශනය කිරීමක් ලෙස දැක්විය හැකිය.
ලිංගිකත්වය අපිට මැජික් වූයේ යැයි කියා අන් අයට එය විඳීම සඳහා ඇති අයිතියට බාධා කිරීමට හෝ එය ගැරහීමට ලක් කිරීමට අපට අයිතියක් නැත.අන්තර්ජාලය පරහරණය කරන ජනතාවගෙන් බහුතරයක් පිරිමින් ය. මේ මහා සංස්කෘතික පිරිමි සංහතිය දැන් කියන්නේ මේ කාන්තාවට ගල් ගසා මරා දැමිය යුතු යැයි කියා ද?එසේ නම් යේසුස් වහන්සේ එක් තැනක දේශනා කළ පරිදි “පවු නොකළ තැනැත්තෙක් වෙයි නම් පළමු ගල ගැසිය යුතුය“. තමන්ගේ අවශ්‍යතා සපුරා ගැනීම වරදක් කොට ගෙන ඇය දිගින් දිගටම සමාජය ඉදිරියේ අපහාසයට පත්කිරීම සමාජය විසින් ගල් ගැසීමට සමානය.මෙහි කෙළවර ඇයගේ මරණය නම් අද මෙම වීඩියෝව Share අප සියල්ලෝම මිනී මරුවන් බවට පත්වනු ඇත.
අරවින්ද
Mawbima newspapper